נאר'איסטער שטורעם דראט ניו יארק און ניו דזשערסי מיט שווערע רעגנס און מעגליכע שניי
גאלערי
ווידעאס
בס"ד
מעגליכע 'נאר-איסטער' שטורעם אויפן וועג: שווערע רעגנס, שטארקע ווינטן און ערשטע שניי ערווארטעט אין ניו יארק און ניו דזשערסי
א מעגליכע 'נאר-איסטער' שטורעם קען ברענגען שווערע רעגנס, מאכטפולע ווינטן און פיל קעלטערע טעמפעראטורן קיין ניו יארק סיטי, ניו דזשערסי און טיילן פון אפסטעיט ניו יארק. דער שטורעם וועט זיך אנהייבן דאנערשטאג, נאוועמבער דעם 12'טן, און וועט אנהאלטן ביז אריין שבת קודש פארטאגס.
וועטער פאראויסזאגער ווארענען אז איינוואוינער אין ניו יארק סיטי און אין רוב טיילן פון ניו דזשערסי קענען ערווארטן א באדייטנדע מאס רעגן. אין די זעלבע צייט, קענען די העכערע בערג און געוויסע טיילן פון אפסטעיט ניו יארק באקומען די ערשטע שניי פונעם ווינטער סעזאן וואס וועט זיך שוין אנזאמלען אויף דער ערד.
דערצו איז דא א מעגליכקייט פאר לייכטע פארפלייצונגען ביי די נידעריגע געגנטער נעבן די וואסער ברעגעס, אין א צייט וואס די טעמפעראטורן וועלן פאלן דראסטיש אריינגייענדיג אינעם וויקענד.