טעגליכע נייעס איבערזיכט פונעם היינטיגע טאג אויף די לאקאלע געסלעך פון די היימישע געגענטער.

באַראָ פּאַרק.

צוויי פּאָליציי קאַרס האבן זיך צוזאמגעשטויסן ביים אינטערסעקשאן פון 15'טע עוועניו און 51'טע סטריט בעת זיי זענען געווען אויפ'ן וועג צו אן עמערדזשענסי רוף, וואו דריי אנדערע קארס זענען אויך געווארן פארמישט און עטלעכע מענטשן זענען באהאנדלט געווארן מיט לייכטע וואונדן.

נאך חדשים פון פראוואקאציע איבער גרינע אינפראסטרוקטור מאטעריאלן וואס זענען געווארן אוועקגעלייגט אויף 46'סטע סטריט צווישן 14'טע און 15'טע עוועניו און האבן צוגענומען פארקינג און גורם געווען טראפיק, האט די שטאט ענדליך גענומען שריט נאך די באמיאונגען פון קאמיוניטי בארד 12 און אריבערגעפירט די מאטעריאלן צו 21'סטע עוועניו נעבן בית החיים.

ווי אויך איז פארגעקומען א וויכטיגע פארזאמלונג פאר אייגנטומער פון גראסעריס, פיש און פלייש געשעפטן איבער די SCN פראגראם, וואו פראפעסיאנאלן האבן מסביר געווען די הלכות און געזעצן צו העלפן די קאמיוניטי.

אין אנדערע נייעס האבן איינוואוינער איבער בארא פארק באטראכטן דעם ספעקטאקולערן ערשיינונג פון די ליקו החמה אין הימל.

כ"ק אדמו"ר מצאנז צקלויזענבורג שליט"א האט היינט פארלאזט די שטאט אויפ'ן וועג קיין ארץ ישראל פאר א נסיעה וואס וועט נעמען איין וואך, נאכן זיך געזעגענען מיט די חסידים אין ערפארט.

וויליאַמסבורג.

איבערנאַכט האָט זיך אַ פאָרמיטל אַריינגעקראָכן אין די פראָנט פונעם בנין אויף 243 סאַוט 4טע סטריט, וואו די פּאָליציי, פֿײַער דעפּאַרטמענט און וויליאַמסבורג שומרים זענען שנעל געקומען אויפן אָרט און עס איז נישט געווען קיין סטרוקטוראַלע שאדן צום בנין.

אין די זעלבע צייט האָט וויליאַמסבורג שומרים צובאקומען אַ נייעם פאַטראָל קאר צו זייער פלאטע צו פאַרבעסערן די זיכערהייט און פאַטראָלן איבער די גאַנצע געגנט.

מאַנסי.

כ"ק אדמו"ר מאונגוואר שליט"א האט געפראוועט מוצאי שבת אין מאנסי.

דער ראקלאנד קאונטי שעריף אפיס און פאליציי דעפארטמענטס האבן אויפגענומען קינדער מיט ספעציעלע באדערפנישן מיט א באזונדערע פאראדע וואס איז פארגעקומען אין פאמאנא.

א פייער האט אויסגעבראכן אין אן אויוון אויף אקערמאן עוועניו אין ערמאנט און איז שנעל פארלאשן געווארן דורך די פייער דעפארטמענטס און ראמאפא פאליציי.

א קליינע פייער האט אויסגעבראכן אין די ליכט קאסטן ביים קבר פון ר' משה ניו יארקער אויפ'ן מאנסי בית החיים, וואו חברים וואלאנטירן האבן שנעל אפגעשטעלט די פלאמען .

קרית יואל ראד 6.

די וואודבורי פייער דעפארטמענט, וועסט פוינט פייער דעפארטמענט, וואודבורי EMS, וואודבורי פאליציי, סטעיט פאליציי, און קרית יואל הצלה זענען ארויסגערופן געווארן צו אן עקסידענט אויף רוט 6, וואס האט געפירט דערצו אז די הייוועי איז פארמאכט געווארן פון קרית יואל ביז מאנסי.

האלט אייך אינפארמירט מיט וויכטיגע ניצבארע און עקסקלוסיווע נייעס אויסשליסלעך באריכטעט דא אויף ‘א בליק’, ערווארט מארגן די טעגליכע איבערזיכט ארום פינעף אזייגער נאכמיטאג.