פרעזידענט טראמפ זאגט פאר פרישע טוישונגען אין זיין אדמיניסטראציע נאך די מידטוירם וואלן; סטיווען מילער באשטימט אלס נייער 'טשיף אף סטעף'

פרעזידענט דאנאלד טראמפ סיגנאליזירט אז עס קומען מעגליך פרישע טוישונגען און אויפזאגונגען אין זיין אדמיניסטראציע, נאכדעם וואס די רעפובליקאנער האבן פארלוירן קאנטראל פון קאנגרעס אין די מידטוירם וואלן.

אין אן אינטערוויו פאר די באקאנטע '60 מינוט' פראגראם מיט דעם זשורנאליסט ראס דאוטהעט, וואס איז רעקארדירט געווארן פרייטאג, איז דער פרעזידענט געפרעגט געווארן צי ער ערווארט אויפצוזאגן עמיצן פון זיין קאבינעט, אויף וואס ער האט געענטפערט: "יא, איך פלאן אזוי." טראמפ האט אונטערגעשטראכן אז ער האט זייער ליב זיין קאבינעט און האלט אז זיי זענען גוט, אבער ער האט צוגעלייגט אז ער וועט מעגליך מאכן "עטליכע טוישונגען."

דער פרעזידענט האט נישט אנגערופן קיין נעמען ווער עס קען זיין דער קומענדיגער ארויסצופליען, אבער ער האט קלארגעשטעלט אז ער האט פולע צוטרוי אין זיין פארטיידיגונגס סעקרעטאר, פיט העגסעט.

בלויז עטליכע שטונדן נאכדעם וואס דער אינטערוויו איז רעקארדירט געווארן, האט טראמפ געמאלדן אויף זיין 'טרוט סאשעל' פלאטפארמע אז זיין דעפיוטי טשיף אף סטעף, סטיווען מילער, וועט איבערנעמען דעם אמט אלס ווייסע הויז 'טשיף אף סטעף' קומענדיגן מאנטאג, נאוועמבער 9.

סוזי וויילס, וועלכע האט געהאלטן די פאזיציע זינט טראמפ'ס צוריקקער צום אפיס, וועט זיך אריבערציען צו זיין פאליטישע אפעראציע, כאטש די 'בלומבערג' נייעס אגענטור האט באריכטעט אז זי האט שוין רעזיגנירט דאנערשטאג ביינאכט.

מילער איז א נאנטער מענטש אין טראמפ'ס אינערליכע קרייז שוין זינט 2016, און ווערט פאררעכנט אלס א הויפט ארכיטעקט פון די אדמיניסטראציע'ס שטרענגע אימיגראציע פאליסיס. אויף די פראגע פארוואס ער האט געמאכט דעם טויש, האט טראמפ געלויבט וויילס, אבער ער האט געזאגט אז צייטווייז "דארף מען מאכן טוישונגען."

דערווייל זענען די רעפובליקאנער מערסטנס שטיל איבער דעם נייעם אויסוואל, און די גרויסע פראגע וואס אלע פרעגן יעצט איז: ווער איז דער קומענדיגער אין די רייע צו ווערן אויפגעזאגט?