אנגסט און שרעק איבער חב"ד שליח וואס איז פארשוואונדן געווארן אין די אימיראטן וואס איז מעגליך אומגעברענגט געווארן ה”י

אידן איבער די וועלט דאווענען פאר ר׳ ר׳ צבי בן עטל קאגאן, פון די חב"ד שלוחים אין אבו דאבי, וואס איז לויט באריכטן פארכאפט געווארן דורך א גרופע טעראריסטן און עס איז דא א שטארקע מעגליכקייט אז ער איז מעגליך געווארן ערמארדעט ה”י.

ר׳ צבי האט צום לעצטע מאל גערעדט מיט זיין פאמיליע פארלאפענע מיטוואך,  און איז די לעצטע מאל געזען געווארן דאנערשטאג אין די כשר׳ע גראסערי וואס ער האט אנגעפירט אין דובאי, און פון דעמאלט איז ער פארשוואנדן געווארן, זיין קאר איז אפגעפונען געווארן פארלאזט אין די שטאט אל-עין א שעה אהאלב פון דובאי.

לויט די באריכטן איז ער פארכאפט געווארן דורך א גרופע מוסולמענער טעראריסטן פון אוזבעקיסטאן מיט פארדאכטן אז זיי ארבעטן פאר איראן, די דריי טעראריסטן האבן אים נאכגעפאלגט פון די גראסערי און אים פארכאפט, זיי האבן אים אפגעפירט צו א אומבאקאנטע לאקאציע און זענען שפעטער אנטלאפן קיין טערקיי.

די אוטעריטעטן אין די אראבישע עמיראטן און די מדינת ישראל מוסד אגענטור פארשן אויס די שרעקעדיגע אינצידענט אלס טעראר און א מעגליכע מארד ה"י.

ר׳ צבי האט אויך ארויסגעהאלפן זיין פעטער אנפירן מיט די פילע חב"ד אקטיוויטעטן אין לאנד. 

עס וועט צוגעצייכנט אז זיין פעטער איז געווען הרב גבריאל האלצבערג הי"ד דער חב"ד שליח אין מומבאי, אינדיע, וואס איז טראגיש אומגעקומען דורך מוסולמענער טעראריסטן פאר 16 יאר צוריק ביי די שרעקליכע טעראר אטאקעס ביי די חב"ד הויז.

בשורות טובות.

זעמל