ביי א ספעציעלע אסיפת התאחדות הרבנים, זענען ערשינען די ראשי עסקני הכלל און ראשי חברה הצלה, וועלכע האבן איבערגעגעבן א באריכט פאר די רבנים שליט״א איבער דעם נייעם סכנה׳דיגן אנשיקעניש פון די עלעקטעראנישע סקוטערס וועלכע שאפן א געפערליכע סכנה פאר יונג און אלט, און פילע האבן שוין געדארפט ווערן אפגעטראגן אין שפיטאל צו באהאנדלט ווערן מיט וואונדן נאכ׳ן פאלן - אדער ווערן אריינגעקלאפט - מיט אן עלעקטעריק סקוטער, ובפרט עלטערע אידן און אידענעס פאר וועלכע ס׳קען זיין מורא׳דיג שעדליך ווען זיי ווערן געשעדיגט אומפאלנדיג אין דער גאס ה״י. 

די רבנים האבן דאן ארויסגעגעבן א בריוו אויפצופאדערן עלטערן זיי זאלן אפהאלטן די קינדער פון פארמאגן אזא סארט כלי המזיק.