כלל ישראל נעמט אויף מיט גרויס פרייד די גרינדונג פון נייער ארגאניזאציע "להכניסו" צווייפאכיגע ציל פון מפעל "להכניסו" "להכניסו" וועט צושטעלן סעודת ברית'ן פאר משפחות פון נצרכים בדרך כבוד | "להכניסו" וועט זיין די שלוחים פון כלל ישראל צו ערמעגליכן אידישע קינדער בכל מקומות מושבותיהם צו אריינקומען תחת כנפי השכינה דורכ'ן צושטעלן פאר מוהלים מומחים אלע קאסטן, ווי טיקעטס, האטעלן, עקוויפמענט א.א.וו. צו דורכפירן ברית'ן בכל רחבי תבל ניו יארק - כלל ישראל נעמט אויף די בשורה טובה איבער די גרינדונג פון דעם נייעם ארגאניזאציע "להכניסו", וועלעכע וועט אי"ה שטיין גרייט אויסצופירן איר צוויי פארכיגע ציל און אזוי ארום ארויסהעלפן בעלי שמחה וואס פראווענען א שמחה אז די שמחה זאל זיין בשלימות מיטן באצאלן די קאסטן פון א סעודת ברית, אזוי אויכעט וועט 'להכניסו' פארפיגן אלטס א קערפערשאפט צו ארויסהעלפן מוהלים מומחים וואס פארן ארום די וועלט מאכן ברית'ן פאר אידן בעלי תשובה. להכניסו בשמחה די וויכטיגקייט פון אזא סארט ארגענעזאציע איז אויסטערליש. מען הערט כסדר פון מוהלים מומחים אז זיי קומען צו בעלי שמחה אין שטוב און עס איז ממש נישט דא דאס מינדעסטע פאר א סעודת ברית, זיי זוכן איינעם צו רופן וואס זאל ארויסהעלפן, און מערערע פעלער ווערט די ב"ב פונם מוהל דער קעכער פשוטו כמשמעו, אבער מיט 'להכניסו' וועלן זאכן אי"ה ווערן מסודר מיט איין פאון קאל בדרך כבוד. להכניסו תחת כנפי השכינה פון די אנדערע זייט אונזערע ברודער ארום די וועלט לעכצן אריינצוקומען בבריתו של אברהם אבינו, אידן אין ווייטן אלאסקא אין פארשטיפטע געגענטער אין פולין, אוקריינא, צו אין אנדערע לענדער קענען נישט צוקומען צו קיין מוהל מומחה וואס זאל מל'ן זיי מיט זייערע קינדער. שוין א שיינע פאר יאר וואס בארימטע מוהלים מומחים האבן גענומען די מצוה אויף זיך און זיי פארן ארום די וועלט אפרעכטן ברית'ן פאר אידישע קינדער, און די קאסטן ווערט געשאפט דורך יחידים יעדע מאל. איז אבער אויפגעקומען א פראבלעם, ב"ה די לעצטע פאר מאל איז די פארלאנג אויסטערליש געשטיגן, אידן וויינען און בעטן זיך פון ארום די וועלט, אונז ווילן אויך זוכה זיין אריינצוקומען בבריתו של אברהם אבינו און זיי כשר'ע אידן. אבער די קאסטן פאר א מוהל צו פארן איז זייער גרויס, מען פרובירט אין יעדע נסיעה אריינצושטיפן עטליכע ברית'ן אויף איינמאל, דעיס יאר תש"פ אליינס איז פארגעקומען קרוב צו 170 ברית'ן ארום די וועלט! און די פארלאנג וואקסט! אויב זאל זיין געלט וואלט מען געקענט פארן אפטער און מער אידן אריינברענגען צום רבוש"ע! און עס איז אונזער אחריות. אין איין ווארט: "להכניסו" איז נישט קיין נייער דערהער, אבער יא א נייער קערפערשאפט! בעזהשי"ת וועט דער נייער מפעל "להכניסו" זיין דער אדרעסס וואו מ'וועט זיך קענען ווענדן נאך הילף פאר די קאסטן פון א סעודת ברית, וואס מ'וועט בעז"ה מיט די ווארימע הילף פון כלל ישראל דאס צושטעלן ביד רחבה וברוח נדיבה פאר יעדן איינעם וואס בעט. און איבערהויפט וועט "להכניסו" זיך אפגעבן צוצושטעלן אלעס וואס נויטיג פאר די 'מוהלים' צו קענען דורכפירן די ברית'ן, אן זיך דארפן ספראווען מיט די קאסטן דערפאר, און מ'וועט צוהעלפן מיט אלע אראנזשירונגען, "להכניסו" וועט באשטעלן די טיקעטס פארן מוהל, אן האטעל אויב נויטיג, צושטעלן אלע עקוויפמענט וואס פעלט זיך אויס פאר די מוהלים פאר די ברית'ן פון אידן פון אלע יארגענג, און אזוי ווייטער אלע געברויכן אז אידישע קינדער זאלן קענען אריינקומען תחת כנפי השכינה כדת וכדין, דורך א מוהל מומחה, אן קיין שוועריגקייטן. אין די קומענדיגע וואכן וועט אי"ה "להכניסו" פארשפרייטן אלע פרטים וויאזוי אידישע קינדער מיט ווארימע הערצער וועלן קענען נעמען אנטייל אין די אקטיוויטעטן פון "להכניסו", ס'וועט פראקלאמירט ווערט די געוואלדיגע "זכותים" וואס מ'קען איינקויפן, דער "זכות" פון זיין דער ספאנסאר פון א "ברית" פון א איד, אדער ספאנסארן א "סעודת ברית" פאר א נצרך, א.א.וו., פאלגט נאך ווייטערדיגע מעלדונגען אין די קומענדיגע וואכן.