*שטעכעריי טעראר אטאקע אין ציריך שווייץ וואו א אינגערמאן איז געשטאכן און קריטיש פארוואונדעט געווארן דורך אן אראבישער טעראריסט*

די שטעכעריי האט פאסירט היינט מוצאי שבת נאך 10 אזייגער ביינאכט ארטיגע צייט ווען דער אינגערמאן איז געווען אינדרויסן פון אן אפארטמענט געביידע אויף די סאלנאיו גאס, און איז פלוצליג באפאלן געווארן דורך אן אראבישער טעראריסט וואס האט אים עטליכע מאל געשטאכן. דער אינגערמאן איז גאר שווער פארוואונדעט געווארן און איז אפגעפירט געווארן צום שפיטאל זייענדיג אין א שווער צושטאנד, און פאליציי האבן באוויזן צו כאפן און ארעסטירן דעם טעראריסט. די ציבור איז מתפלל פארן אינגערמאן וועלכער  איז אנגעוויזן אויף רחמי שמים: *מאיר צבי בן שרה* לרפואה שלימה.

סאטמאר בארא פארק-20׳סטע עוועניו מקוה טהרה 

קהל יטב לב ד'סאטמאר מהר"יי האט דאנערשטאג העעל״ט געקלאוזט אויף א  פרישן שטח נעבן דעם איציגן שטח המקוה וואס מ׳האט שוין אפגעקויפט מיט עטליכע חדשים צוריק מיט׳ן ציל אויפצובויען א פיל גרעסערער מקוה טהרה ווי אריגינעל געפלאנט. 

די ריזיגע געביידע פארשפרעכט צו זיין כמעט אזוי גרויס ווי די איצטיגע ׳מקוה פעסיל רבקה׳ וועלכע שטייט צום דינסט מיט פראכט פאר אלע איינוואוינער פון שטאט. 

אין די קומענדיגע טעג הבעל״ט גרייט מען זיך צו פיילן די ענדגילטיגע פערמיטן צו קענען שנעל צוטרעטן צו די קאמפליצירטע בוי ארבעט. 

אין די זעלבע צייט זענען די עסקנים שטארק טעטיג אויפצוטרייבן ריזיגע סכומים פון נדיבי בעם וועלכע כאפן זיך צו צום זעלטענעם געלעגנהייט אפצוקויפן זכותים והנצחות אין דעם הייליגן פּראיעקט.

זַכָּאָה חוּלְקֵיהוֹן דְטַהַרַ״ת יִשְׂרָאֵ״ל

סאטמאר בארא פּארק -מהר"יי

וועכנטליכע אפדעיט פון דעם מעכטיגן פּראיעקט אויפצובויען די 100,000 סקווער פיס גיגאנטישע ״בית רחל״ פעסטונג אין בארא פּארק וואס גאַלאָפּירט פאָראויס מיט א שטוינענדע שנעלקייט

די וואך  האט מען בשעה טובה ומצלחת געגאסן די 5'טע שטאק פונעם גיגאנטישן בנין

אין די זעלבע צייט האט מען זיך גאר שטארק גערוקט פאראויס מיט'ן פארמאכן דעם סטרוקטור מיט ציגל, און מ'האט שוין אויך אנגעפאנגען צו ציען די פלאמבינג אויף די אונטערשטע שטאקן

מחיל אל חיל גרייט מען זיך נעקסטע וואך אי״ה צו גיסן דעם דאך פונעם בנין. דערמיט וועט דער גאנצער אויסערליכער געשטעל זיין גענצליך פארענדיגט מיט'ן גאנצן כבוד און שטאלץ

גדול יהי׳ כבוד הבית

נייע סקווירא שטעטל

אין אנדערע נייעס ווערט געמאלדן אז דעם שבת ביינאכט האט מען אויסגערופן אין בית המדרש ווי פאלגענד 

 יעדער וואס וועט זיך משתתף זיין מיט $18,000 וועט זיך קענען משתתף זיין צוזאמען מיט זיין משפחה ביים אבן הפינה פארן נייעם שטעטל, און פאר $36,000 און $72,000 וועט די רבי שליט"א טיילן ספעציעלע מתנות,

אויך וועט זיין א באזונדערע מעמד ווי די גאנצע עולם וועט זיך קענען משתתף זיין בראשות דעם רבי'ן שליט"א