יארצייטן פון צדיקים.

מיטוואך - ז' ניסן.

הרה"ק רבי יצחק ב"ר יוסף זי"ע, מדראהביטש,

הנקרא "איש האמת",

תק"ד.

הרה"ק רבי אריה יהודה ליב ב"ר יחיאל חיים זי"ע, (עפשטיין) בעל ברכת טוב, מאוז'רוב, 

תרע"ד.

הרה"ק רבי יחיאל נתן ב"ר משה זי"ע, (הלברשטאם), מבארדיוב, 

תרצ"ד.

הגה"ק רבי אברהם חיים דוד ב"ר יצחק לייב זי"ע, (סופר), מגאליציע, 

תרצ"ז.

הרה"ק רבי שמואל אברהם אבא ב"ר פנחס זי"ע, הי"ד, (רבינוביץ) מזאלקאווא, 

תש"ג.

זכותם יגן עלינו 

ועל כל ישראל אמן.

יארצייט - מיטוואך ז' ניסן.

הרה"ק רבי יצחק ב"ר יוסף זי"ע, מדראהביטש,

הנקרא "איש האמת",

איז געבוירן בשנת תנ"ה, צו זיין טאטן הצדיק רבי יוסף ספארוודילער זי"ע,

בן המקובל הרה"ק רבי משה מסווירזש זי"ע.  

און צו זיין מאמע הצדקת מרת יענטא לימא הנביאה ע"ה. 

מען האט די מאמע גערופען הנביאה ווייל מען האט פארציילט אז ווען זי האט אויסגערייניגט דאס הויז האט זי בשעת מעשה געהערט ווי די מלאכים אין הימל זאגן קדיש. 

מען האט אים א נאמען געגעבן יצחק נאכן זיידן הגה"ק רבי יצחק חיות זי"ע. 

ער האט חתונה געהאט מיט הצדקת מרת מרים ע"ה, בת הגה"ק רבי מאיר פאפירש זי"ע. 

ער איז געווען א איש אלקים קדוש מאוד, און א צדיק הדור אין די צייט פונעם בעש"ט הקדוש זי"ע. 

ער האט נישט געוואלט אנעמען קיין רבנות, מען פלעגט אים רופן דער מוסר זאגער ווייל ער פלעגט ארום פארן צו שטעט זאגן מוסר און מעורר זיין אידן צו תשובה.

ער איז געווען צווישען די דיינים אין בי"ד פון דעם הייליגען נודע ביהודה זי"ע און פון הגה"ק רבי יצחק מהמבורג זי"ע. 

אנפאנג איז ער געווען א מתנגד פון חסידות, אבער משום מעשה שהיה איז ער געווארן מקורב צום בעש"ט הקדוש זי"ע. 

און די מעשה איז געווען אזוי, 

ער האט געהאט א ענין אז ביינאכט תיקף ווען ער האט געזאגט "בידך אפקיד רוחי" איז ער גלייך איינגעשלאפן, איין נאכט האט ער נישט געקענט איינשלאפן, האט ער געוויסט אז ער האט זיכער געטון עפעס א חטא און מען וויל נישט אנעמען זיין תשובה. 

האט ער זיך פארטראכט און די איינציגסטע זאך וואס ער האט געקענט טרעפן איז געווען אז ער איז אריבער א כת של לצים און זיי האבן חוזק געמאכט פונעם בעש"ט הק' און ער האט נישט מוחה געווען. 

איז ער גלייך געפארן קיין מעז'יבוז צום בעש"ט הק' צו בעטן מחילה, ווען ער איז דארט אנגעקומען האט אים קיינער נישט געקענט און ער האט קיינמאל פאר דעם נישט געזעהן דעם בעש"ט הק', ער האט זיך געשטעלט דאווענען דארט אין ביהמ"ד פונעם בעש"ט הק' אין א ווינקעל. 

ביי קריאת התורה האט אים די בעש"ט הק' אויסגערופען צו די תורה "מורה מורינו ר' יצחק ב"ר יוסף" און אים געזאגט שלום עליכם מורי ורבי און אים געזאגט איך בין דיר מוחל בלב שלם, און פון דאן איז ער געבליבען א תלמיד פונעם הייליגען בעש"ט הק' זי"ע.

ער האט איבער געלאזט זיין הייליגע זוהן הרה"ק רבי מיכל המגיד מזלאטשוב זי"ע, וואס צדיקים האבן געזאגט אז יעדן טאג איז מען מכבד דעם רבין אין הימל צ זאגן דברי תורה ווייל ער האט א זוהן ר' מיכל'ע מזלאטשוב זי"ע, און רבי מיכל'ע איז מען מכבד צו אגן דברי תורה ווייל ער האט א טאטע ווי רבי איציק'ל זי"ע. 

נסתלק לגנזי מרומים ז' ניסן תק"ד.

ומנוחתו כבוד איז אין ביה"ח אין שטאט יאמפאלי. 

זכותו הגדול יגן עלינו 

ועל כל ישראל אמן.

מתורתו של רבינו זי"ע.

בשם רבינו: 

כשאני רוצה לנסוע על הדרך להוכיח את בני ישראל ולקבל גלות ולהעלות נשמות ישראל, אזי היצר הרע בא אלי ואומר לי: 

יצחק למה תיסא על הדרך שיהיה לך ביטול תורה ותפלה ותתבזה בעיני הבריות,

ומפיל עלי עצלות גדול שלא ליסע. 

ואני משיב לו: 

הנני נוסע רק בשביל ממון שאני צריך ואז תיכף יאמר לי שאסע לשלום. 

וכשאני בא לאיזה מקום אזי אני משליך לגמרי ענינים החיצונים והלבוש,

ואני מבקש רק הפנימיות. 

לערן א משנה און צינד אן ליכט לעילו נשמת: 

הרה"ק רבי יצחק ב"ר יוסף זי"ע 

די זכות פונעם צדיק 

וועט זיכער מיגן זיין.

אֵין פּוֹחֲתִין לָעֲנִיִּים בַּגֹּרֶן מֵחֲצִי קַב חִטִּים וְקַב שְׂעוֹרִים. 

רַבִּי מֵאִיר אוֹמֵר, חֲצִי קַב. 

קַב וָחֵצִי כֻסְּמִין, וְקַב גְּרוֹגָרוֹת, 

אוֹ מָנֶה דְּבֵלָה. רַבִּי עֲקִיבָא אוֹמֵר, פְּרָס. 

חֲצִי לֹג יָיִן. רַבִּי עֲקִיבָא אוֹמֵר, רְבִיעִית. 

רְבִיעִית שֶׁמֶן. 

רַבִּי עֲקִיבָא אוֹמֵר, שְׁמִינִית. 

וּשְׁאָר כָּל הַפֵּרוֹת, אָמַר אַבָּא שָׁאוּל, כְּדֵי שֶׁיִּמְכְּרֵם וְיִקַּח בָּהֶם מְזוֹן שְׁתֵּי סְעֻדּוֹת: