הגה"צ אב"ד סאטמאר וויליאמסבורג וועט באזוכן אין ארץ ישראל
= צהלי ורוני יושבת ציון כי גדול בקרבך קדוש ישראל =
מטעם קהילתינו הק' ירושלים, בני ברק, בית שמש, ווערט געמאלדן אז הגה"צ אבדק"ק ור"מ שליט"א וועט זיך ארויסלאזן אויף א בליץ באזוך בקרב קהילתינו הקדושים אין ארץ ישראל בשליחות הקודש פון אביו הגדול כ"ק מרן רבינו הגה"ק שליט"א להרים קרן התורה והחסידות בקרב הקהילה און צו באשיינען דעם מעמד סיום הש"ס והתחלתו אין ראם פון חבורת תורתך שעשועי דקהילתינו הק'.
דער רב וועט זיך ארויסלאזן דעם קומענדיגן זונטאג פרשת חקת אויפ'ן וועג קיין ארץ ישראל, און זיך אויפהאלטן פאר א קורצע צייט. מער פרטים וועלן נאכפאלגן.
דער גרויסארטיגער מעמד סיום הש"ס בראשות הגה"צ דער רב שליט"א וועט אי"ה פארקומען ברוב פאר והדר מאנטאג אויפדערנאכט במקום רחבת ידים אין כפר סבא געגנט פאר אלע אנשי שלומינו איבער גאנץ ארץ ישראל וואס וועלן קומען זיך מיטפרייען בשמחת התורה פון די מסיימים,
די הויכפונקט פונעם נסיעה וועט זיין די צענטראלע דרשה פונעם רב שליט"א ביים מעמד סיום הש"ס וואו דער רב וועט משמיע זיין דברי תורה לכבוד המעמד אינאיינעם מיט דברי חיזוק והדרכה פאר כלל אנשי שלומינו בשליחות הקודש פון אביו הגדול כ"ק מרן רבינו הגה"ק שליט"א.
= גדול יהיה כבוד המעמד הזה =
גאלערי