די וואך איז פארגעקומען א לוי' מיט א באגרעבעניש כדת וכדין אין די שטאט לוסי אין זשעמייקע

מאנטאג אינמיטן די נאכט האט די הויפט רב פון זשעמייקע הרב יעקב יוסף ראסקין באקומען א טעלעפוין קאלל פון א איד וועלכע האט זייער געוויינט אויפן טעלעפוין אז זיין זוהן איז אומגעקומען אין א עקסידענט אין זשעמייקע און מען דארף מאכן זיכער אים צו ברענגען צו קבר ישראל 

האט די רב רבי יעקב יוסף שליט"א קודם זיכער געמאכט אז די גוף זאל שוין ווערן ארויסגענומען פון שפיטאל און דערנאך אנגעהויבן ארבעטן אויף די טהרה תכריכים און קבורה 

די ערשטע זאך האט ער צוזאמענגענומען א גרופע נישט אידן צו רייניגן דעם בית החיים דערנאך האט מען אויפגענייט אייגן געמאכטע תכריכים און דערנאך געבויעט א קאסטן 

די גרויסע השגחה פרטית איז געווען אז עס זענען דאסמאל געווען אפאר אידישע  בחורים אין שטאט וועלכע מען האט אריבערגערופן צו זיין פאר מנין אזוי איז נפטר געקומען לקבורה Textמיט א מנין און א קדיש