שטייענדיג נאך די פטירה פון הרה"צ רבי יהושע סאפרין זצ"ל מקאמארנא מאנהעטן, איז אינטערעסאנט אנצוצייכענען אז די שטריימל וועלכע ער פלעגט אייביג גיין איז געווען א היסטארישע ירושה שטריימל, פון זקינו הרה"ק רבי אליעזר צבי קאמארנא זי"ע בעל ה'דמשק אליעזר', א זון פונעם הייליגן היכל ברכה מקאמארנא זי"ע. אין די וואכן פלעגט ער גיין מיט א קנייטש הוט, און שבת מיט דעם היסטארישער שטריימל.

דער קאמארנער רבי פון מאנהעטן זצ"ל איז געווען א פעטער פון אלע היינטיגע קאמארנא רבי‘ס, זייענדיג א זון פון הרה"ק רבי יעקב חיים מקאמארנא זי"ע, און א ברודער פון די טאטע‘ס פון אלע אנדערע רבי‘ס. ער איז געווען א ריזן תומך תורה, סיי פאר גור און סיי פאר כל קדשי בית קאמארנא, ווי צום ביישפיל האט ער באצאלט איבערצובויען זיין פאטער‘ס היסטארישע שול אין ירושלים. ער איז געווען 91, און איז נאך געבוירן אין שטאט בעלזא אינדערהיים, און געטראגן די נאמען פון הרה"ק רבי יהושע מבעלזא זי"ע.

האדמו"ר מקרעטשניף כפר עטה נעכטן מוצאי שבת אין ניו יארק ווי שוין ברייט באריכטעט דא.

כלל ישראל ווערט גערופן מתפלל צו זיין פאר האדמו"ר מוויזניץ רבי ישראל בן לאה אסתר שליט"א לרפו"ש, נאך געזונט פארערגערונג דעם שבת ווי שוין ברייט באריכטעט דא.

די ווייסע הויז האט איינגעלאדענט האדמורי"ם מסאטמאר, האדמו"ר מסקווירא, האדמו"ר מבאבוב, האדמו"ר מוויזניץ מאנסי, און הגאון ר' מלכיאל קאטלער ר"י ביהמ"ד גבוה, פאר א מיטינג מיט פרעדידענט טראמפ קומענדיגע וואך דאנערשטאג ווי שוין ברייט באריכטעט דא.

האדמו"ר מסאדיגורא ירושלים נעכטן ביים ציון פון האדמו"ר מליובאוויטש זצ"ל.

בי"ד אין לאנדאן מעלדט מיט פרייד אז נאך וואס אלע מיידלעך אין שטאט זענען געווארן מסודר מיט א סקול פאר די נייע יאר, נעמען זיי אראפ די איסור פון סקולס זיך צו עפנען.
 

א רייע רבני ברסלב האבן זיך געמאלדן צום ציבור חסידי ברסלב אין ארץ ישראל וועלכע האבן פראבלעמען מיט גיוס, ארויסברענגנדיג אז מען ברויך טאקע מסירות נפש אנצוקומען קיין אומאן ר"ה, אבער אין די יעצטיגע סיטואציע טאר מען זיך נישט איינשטעלן אנצוקומען אין ציוניסטישע תפיסה, און אז לדעתם ברויך מען אצינד האבן מסירות נפש נישט צו האבן מסירות נפש.

בעפאר און נאכדעם: צוויי זיסע קינדער פון א לב טהור משפחה, איין בילד ביים ארויסקומען פון שעלטער א יאר צוריק אין גוואטעמאלע, און די אנדערע איז א בילד פון בעפאר זייער ברודער'ס בר מצוה אין מאנסי ווי שוין ברייט באריכטעט דא.

האדמו"ר מוויזניץ מאנסי איז אנגעקומען קיין מירון. ביים אריינגיין צום ווילא.