כִּי מִצִּיּוֹ"ן תֵּצֵא תוֹרָה וּדְבַר ה׳ מִקִּרְיַת יוֹאֵל!!

"יוֹסֵ"ף ה׳ עֲלֵיכֶם, עֲלֵיכֶם וְעַל בְּנֵיכֶם!"

סאטמאר באגייסטערט!!! געשעצטע העלדישע "בוני ומקימי ממלכת סאטמאר-קרית יואל" שענקען א ברייטהארציגע פילאנטראפישע "נדבה כבירה" פון "$2,000,000.00 — צוויי מיליאן דאלער" פארן אויפבוי פון "קרית הישיבות" שע"י "מגדל הישיבות ד'סאטמאר קרית יואל", ביים פייערליכן "מעמד חתימת שטרות" בראשות כ"ק מרן רבינו שליט"א!!!*

א פראכטפולער "מעמד חתימת שטרות וגמר הקנין", אינאיינעם מיט די חשובע בוני ומקימי ממלכת סאטמאר קרית יואל — "מגלגלין זכות ע"י זכאי!" — די וועלכע האבן אין דער לעצטער תקופה אריינגעברענגט א געוואלדיגן התדשות-גייסט אין ממלכת סאטמאר בכל קצוי תבל, און קומען כסדר אנטקעגן מיט ריזיגע אונטערנעמונגען און פאנטאסטישע נדבות אדירות: הר"ר בנציון יודא לאנדא הי"ו - חבר הנהלת מוסדות סאטמאר וומסב"ג, ובניו החשובים והמפוארים הר"ר משה אהרן הי"ו, הר"ר יוסף יוזפא הי"ו, ושותפם הר"ר לוי יצחק שווארץ הי"ו.

די בארימטע נגידים האבן זיך שוין לאנג קונה געווען א גאלדענעם שם טוב צווישן אנשי שלומינו, אלס געטרייע בוני ומקימי הקהלה, שטייענדיג מיט אן אויסטערלישער מסירת נפש לימין קדשו פון כ"ק מרן רבינו שליט"א, לרומם קרן ק"ק סאטמאר — סיי מיט הרחבת גבולי הקדושה, סיי פארן חיזוק עניני הדת והרמת קרן ועד הכשרות דקהלתינו הק', און באזונדער מיט זייערע געוואלדיגע פעולות לטובת עיר הקודש קרית יואל!

ביים יעצטיגן מעמד האבן זיי אונטערגעשריבן דעם שטר קנין אויף די פאנטאסטישע סומע פון —

$2,000,000 — צוויי מיליאן דאלער!!!

אפצוקויפן דעם גרויסן "זכות בוני הבנינים" אינעם נייעם "קרית הישיבות" אין שכונת בלומינג גראוו, קרית יואל!!!

איין מיליאן דאלער ביים אויפבוי פונעם ערשטן בנין האדיר "בנין יואל", און נאך איין מיליאן דאלער ביים אויפבוי פונעם צווייטן בנין האדיר — פאר די נייע פרעכטיגע בניני אדירים פארן "מגדל הישיבות" דהישיבה קטנה תורה ויראה דסאטמאר קרית יואל, וואו הונדערטער תלמידים וועלן אי"ה שטייגן און בליען בתורה, עבודה ויראת שמים!

ביים מעמד באטייליגן זיך די איבערגעגעבענע "חברי הנהלת מגדל הישיבות, חברי קרן הבנין בוניך", וועלכע שטייען אין שפיץ פון די בוי-ארבעט אויפן מעכטיגן "קרית הישיבות"; חברי הנהלת הקהלה, וועלכע ברייטערן אויס די בניני הבתי מדרשים דקהלתינו הק' בכל פינות העיר רבתי; אינאיינעם מיט די רעספעקטפולע "חברי הנהלת המוסדות און ראשי ועד קרן הבנין להקים", וועלכע ארבעטן בכל כחם צו פארברייטערן די גרעניצן מיט די ריזיגע תורה-פעסטונגען פארן עתיד פון קרית יואל!

ביים געהויבענעם מעמד האט כ"ק מרן רבינו שליט"א מאציל געווען מברכות קדשו פארן ראש המשפחה הר"ר בנציון יודא הי"ו און די חשוב'ע קינדער, אין שפיץ פונעם איש האשכולות, עושה גדולות, כביר הפעולות, הר"ר יוסף יוזפא הי"ו, וועלכע האבן זוכה געווען, אלס מגלגלין זכות ע"י זכאי, אין דער זעלטענער אייביגער זכות נצחי לעד ולדורות!

אשריכם הנדיבים הכבירים! אשרי חלקכם בוני הרבבות! ממנו ילמדו וכן יעשו!!!

"יְבָרֶכְךָ ה׳ מִצִּיּוֹן — וּרְאֵה בָניני"ם לְבָנֶיךָ!"