ועמודי הבנין סביב ויתידותם

היינט אין די פארטאגס שעות, איז אפגעליפערט געווארן צום שטח הבני׳ פון בית מדרשינו החדש שכונת ווערנאן, א מאסיווער טראסעס ביעם אינטערצוהאלטן די דאך פונעם היכל הביהמ״ד. צוליב די גרויסקייט פונעם ביעם איז צוגעגרייט געווארן א פלאן מיט א ערלויבעניש צו קענען פארן אין די פארקערטע ריכטונג פון די פארקער, - מיט א באגלייטונג פון קארס - צו קענען ברענגן דעם ביעם פונעם הייוועי דורך די גאסן פארזיכערט.

ווי די תושבי השכונה האלטן מיט, מארשירט די בוי ארבעט ביים בנין הגדול מיט א שנעלקייט ווען עס ווערט בליץ שנעל געבויט שטאק נאך שטאק אויף די סופער סטרוקטור מהלך. אצינד צו קענען פאראויסרוקן און בויען די שטאקן העכער די היכל הביהמ״ד, ווערט אינסטאלירט א מאסיווער ביעם צו עלימינירן זוילן אינעם היכל הביהמ״ד, די ביעם וועט אינטערהאלטן דעם דאך, און אזוי פאראויסגיין מיטן ארויפבויען די העכערע שטאקן, און ביז געציילטע וואכן וועט די גאנצע בנין שטיין על תילה צום פרייד פון תלמידי וחסידי סאטמאר ובמיוחד הונדערטער תושבי השכונה וואס האבן שוין מנדב געווען סכומים עצומים צום תרומת המשכן און קוקן ארויס אויפ׳ן נייעם בנין לתורה ולתפלה וגמ״ח ע״ד הסלולה.

אין די טעג גייט די ועד קרן הבנין ארום על פתחי נדיבים צו פארקויפן די פארבליבענע זכותים אינעם בנין הביהמ״ד צו פינאנצירן די בוי ארבעט ביז צום גמר הבנין בקרוב.

ועשו לי מקדש ושכנתי בתוכם