האפענונג. ליכטיגקייט. מנוחה. שטרעבונג.

מאנסי וואונטשט זיך מזל טוב צום עפענונג פון סטרייוו 

די מענטל העלט דעוויזשען פון ריזשענעל ביקור חולים

א פרישע שיין און ליכטיגקייט באווייזט זיך אויפ'ן האריזאנט פון דעם עיר התורה והחסידות מאנסי. א פרישע אומגלויבליכע דורכברוך אין די פעלד פון מענטל העלטה מיט'ן גרינדונג פון א ספעציעל דעזיגנירטע סטרייוו אפיס אין מאנסי.

''סטרייוו'' די מענטל קעיר דעוויזשען פון ריזשענל ביקור חולים - איז שוין היינט ברייט באקאנט אלץ דער אויסשליסליכער אדרעס פאר חולי ישראל. אן אדרעס וואס פארשטייט זייער הארץ און ווייזט זיי די ליכטיגקייט ביים ענדע פונעם טונעל.

די מענטל העלטה דעוויזשען פון ריזשענעל ביקור חולים איז געווען פון די ערשטע פיאנערן צוצושטעלן יעדע סארט סערוויס ווען ס'קומט צו מענטל העלטה. אנגעהויבן פון עוועליועישן אריבער צו ריפערלס, ריסורטש, קעיס מענדזשמענט ביז אווערנס פאר די קריטישע נושא וואס פלעגט געשטופט ווערן הינטערן פארטוך. מיט אזא ברייטע אפארציע און לאנגע יארן עקספיריענס האט סטרייוו באוויזען זיך איינצוקויפן אן אומגעווענליכע רעפוטאציע ביי רבנים און עסקנים און פראפעסינאלן אין דעם פעלד.

''סטרייוו'' נאך מיט איר פריערדיגן נאמען ''מענטל קעיר'' האט באוויזן איבערצודרייען די וועלט פון פראפעסינאלע פארשטאנד צו נפש און אויסגעטראטן דעם וועג אז קיינער זאל מער נישט דארפן טאפן אן ענדלאזע וואנט פון פינסטערניש אן קיין האפענונג, נאר טרעפן א שטראל פון ליכטיגקייט און אפנע הארץ אין אומשטענדן וואס כמעט קיינער קען זיי נישט פארשטיין.

גדולי הרבנים און לאנגיעריגע עסקנים אין מאנסי האבן זיך אין די לעצטערע חדשים געוואנדן צו סטרייוו מיט א בקשה פאר א באזונדערע אפיס אויך אין מאנסי כדי צו קענען נאכיאגן דעם פארלאנג און זיך אפגעבן מיט'ן פולסטן הארץ און פארשטאנד פאר יעדן איד.

נאכ'ן איבערשמועסן מיט גדולי הרבנים און בארימטע מומחים איז באשלאסן געווארן צו ענטפערן דעם ''למה נגרע'' פראגע און בס''ד גרינדען א ספעציעלע דעוויזיע אין מאנסי מיט'ן פרישן נאמען ''סטרייוו'' וואס ברענגט ארויס אין איין ווארט דאס שטרעבונג און לעכצעניש וואס אידישע קינדער גייען דורך צו טרעפן הילף זין זייערע טונקלסטע מאמענטן.

 דער ציבור האט געבעטן. די רבנים האבן פארלאנגט. די עסקנים האבן געפאדערט. און סטרייוו האט עס צוגעשטעלט.

די נייע דעזיגנירטע אפטיילונג אין מאנסי וועט אויפהייבן די הילף פון סטרייוו צו פרישע שטאפלן, און איז ערווארטעט בס''ד צו זיין א ריכטיגע רעוואלוציע.

פארגאנגענע וואך דינסטאג איז פארגעקומען די אפיציעלע אסיפת התייסדות פארופן דורך די רבני מאנסי וואו עס האבן זיך באטייליגט די בארימטע מומחים פון סטרייוו אין שטוב פון הרה''ג ר' מיכל דייטש שליט''א אב''ד מעייני הישועה. ביים אסיפה האבן אויפגעטרעטן הגה''צ אב''ד פאפא מאנסי שליט''א אזוי אויך הגה''צ רבי יחזקאל דייטש שליט''א אב''ד מקור חיים וואס האבן ווארעם באגריסט די עסקנים בדברי ברכה להצלחה בכל מעשי ידיהם. דאן האט אויפגעטרעטן דער מנהל פון סטרייוו הרב אשר מענדל כהנא שליט''א. און דערנאך האבן די רבנים געהערט אן ערשטהאנטיגע באריכט דורך דער בארימטער מומחה בעניני תורת הנפש מוה''ר מנחם (ישעי') לעווי הי''ו - דירעקטער פון סטרייוו.

ביים אסיפה איז מטעם די רבנים און עסקנים נתמנה געווארן דער מומחה מוה''ר מיכאל בער לוגער הי''ו צו שטיין אין שפיץ פון די סטרייוו מאנסי דעוויזיע און אנהאלטן א נאנטע קשר מיט די רבני העיר. ואת כל דבר הקשה יביאו אליהם.

מאנסי וואונטשט זיך א הילכיגן לחיים מיט א וואונטש אז דער בוכ''ע זאל אויפרעכטן אלע חולי ישראל און זיי ארויסנעמען פון זייערע פיין און ליידן צו אן אייביגע ליכטיגקייט און מנוחה.

פארשרייבט אייך די דעם ספעציעלען סטרייוו מאנסי טעלעפאן ליין: 845-426-4085

סטרייוו מעין טעלעפאן ליין 718-715-4499 

ווערטער העכער די בילדער

אסיפת התייסדות סטרייוו מאנסי בראשות גדולי הרבנים שליט''א