א היסטארישע אסיפת הרבנים ודייניי עיר מאנסי איז פארגעקומען דעם מיטוואך אין מאנסי וואו עס האבן זיך באטייליגט די פייער קאמישענערס אינאיינעם מיט די פייער דעפארטמענט דיספעטשערס אינאיינעם מיט עסקני העיר.

אין שפיץ פונעם היסטארישע אסיפה האבן זיך בטייליגט הגה’’צ ר’ יעקב יוסף האגער שליט’’א גאב’’ד וויזניץ, הרה’’צ ר’ פנחס חיים גרינוואלד  שליט’’א גאב’’ד פאפא, הרה’’ח ר’ שמעון כ’’ץ שליט’’א דומ’’ץ סאטמאר.

אזוי אויך האבן זיך באטייליגט די  וועד הדיינים למען שמירת שבת והצלת נפשות געשטעלט דורך די רבנים אויף אלע אנגעלעגנהייטן פון די פייער דעפארטמענט; הרב אברהם מנחם האגער שליט’’א מו’’ץ בקהל תורת חיים וויזניץ, הרב שלמה גרינפעלד שליט’’א מו’’ץ בקהל בעלזא, הרב הלל ראזענבערג שליט’’א מו’’ץ בקהל ויואל משה סאטמאר.

ביים אסיפה האבן די רבנים געגעבן חיזוק והדרכה פאר די פייער קאמישענערס איבער די פילע פעולות און תיקונים לטובה למען שמירת שבת והצלת נפשות די לעצטע חדשים און יארן. און ספעציעל איבער די נייע דיספעטשנג סיסטעם וואס גייט אין די טעג אריינגיין אין קראפט עפ’’י הוראה פון די וועד הדיינים.

די רבנים האבן שטארק מחזק געווען די פייער דעפארטמענט קאמישענערס און איינגעשטעלטע איבער די געוואלדיגע זכיה פון קענען אויפטון פאר הצלת נפשות און ספעציעל אז עס ווערט געפירט הינטער א רבנישע אוטאריטעט וואס ווייזן אן את המעשה אשר יעשון.