טאראנטא - א גרופע פון 5 אידן זענען ארויס מיט ניסים פון א שווערע קאר- טרעילאר עקסידענט, און זענען בלויז אפגעקומען מיט גאר לייכטע וואונדן. די אינצידענט האט זיך אפגעשפילט אויף הייוועי 400 אינדרויסן פון טאראנטא ווען דער דרייווער פון זייער אויטא האט פארפאסט די עקזיט און האט פראבירט צו מאכן א יו-טורן און צוריקפארן צום עקזיט, דער שנעלע דריי איז נישט געלונגען און די אויטא האט זיך גענצליך איבערגעדרייט.

אלע 5 זענען פלינקערהייט ארויסגעקראכן פון די טירן און פענסטער פון די אויטא וועלכע איז געשטאנען אינמיטן די הייוועי. ווייניגער ווי אן אנדערטהאלבן מינוט דערנאך, שטייענדיג אויף די זייט פונעם ראוד פראבירנדיג זיך אביסל צוזאמצונעמען איז געקומען צו פליען א טראקטאר טרעילאר וואס האט מיט א שנעלקייט איבערגעפארן די קאר און עס פלאך געמאכט.

די פאסאזשירן האבן נישט געקענט גלויבן די גרויסע ניסים וואס האט נארוואס פאסירט מיט זיי ווען זיי האבן געזען וואו זייער קאר ווערט פלאך קוים 80 סעקונדעס נאכן ארויסקריכן דערפון.

קרעדיט: זעמל