שיכון סקווירא - פאר איבער 60 יאר צוריק איז אויפגעשטעלט געווארן אין וועסטשעסטער קאונטי די ׳אינדיען פוינט ענערדזשי סענטער׳ א נוקלעארע פאוער פלענט וואס פלעגט צושטעלן אין די גוטע יארן 25 פראצענט פון די לעקטער אין ניו יארק סיטי,

וויבאלד די פלענט איז געלאפן אויף נוקלעארע קראפט איז געווען אויסגעלייגט אין די גאנצע אומגעגנט אלארם סיסטעמען צו קענען אלאמירן די איינוואוינער אין די 10 מייל ראדיאס אין פאל פון אן אויסגיס - צווישן זיי איז געווען שיכון סקווירא, דער אלארם פלעגט ווערן אויס פראבירט פון צייט צו צייט דורך ווערן אנגעצינדן פאר 5 מינוט וואס האט פון צייט צו צייט פאראורזאכט עטליכע אנגעצויגענע מינוטן.

אין יאר 2021 איז די פלענט גענצליך אפגעשלאסן געווארן צוליב די קעגנערשאפט פון די גרינע אקטוויסטן גרופע וואס האבן געקעמפט פאר די אויפבוי פון די פאוער פלענטס וואס זענען בעסער פאר די לופט, צוויי יאר דערויף האט מען אנגעהויבן צו אראפנעמען די אלארם סיסטעמען פון די גאסן נאכן אויסרייניגן די פלענט פון די נוקלעארע איבערבלייבענישן,

די וואך איז געקומען די רייע פון די פייפער וואס איז געווען איינקווארטירט אויף די דזשעפערסאן גאס אין שטעטל וואס פלעגט רעגלמעסיג נערוועז מאכן די איינוואוינער צו ווערן ענגילטיג אראפגענומען.

קרעדיט: זעמל