מיט א רגש דקדושה האבן די אריבער צוויי הונדערט בחורי חמד תלמידי ישיבת 'קובנא' בארה"ק מיטגעהאלטן די געהויבענע שבת במחיצתו פון כבוד הגה"צ מרן הגאון הגדול רבי מאיר הייזלער שליט"א ראש הישיבת קובנא אין ירושלים העיה"ק, וואס האט געפראוועט דעם שבת צוזאמען מיט די בחורי חמד תלמידי הישיבות אויף א געהויבנע פאארנעם אינעם שטעטעלע קוממיות אין דרום ארץ ישראל.

דער ראש ישיבה שליט"א איז ארויסקומען אויף שבת, כמדי שנה בשנה, אינאיינעם מיט מורינו הגה"צ רבי אברהם מיללער אבד"ק חאמעלניק ירושלים שליט"א, צו פראווען איינס פון די שבתים דורך אויס די ווינטער צוזאמען מיט די בחורי חמד תלמידי הישיבות, אזוי צו געבן די מעגליכקייט פאר די בחורים ווייטער מיטצוהאלטן די שיינע צייטן פון די בחורישע יארן, אין מחזק זיין די בחורים, ברענגענדיג דעם שבת צו די מאקסימום הצלחה, התחזקות, הנאה, און סיפוק פאר די חשובע בחורים.

די גאנצע שבת מהחל ועד כלא איז געווען גאר געהויבן, די תפילות דורכאויס שבת אינעם היכל הביהמ"ד אויפן ארט, די סעודת ליל שבת קודש וועלכע האט געדויערט פיר און א האלב שעה איז געפראוועט געווארן אינעם אלטן היכל הביהמ"ד פון ישיבת בעלזא אין שטאט באגלייט מיט שירות ותשבחות און דברי תורה דורך די פולע רמ"י הישיבה, אין בחורים צוגלייך וואס האבן אויפגעטראטן מיט ווארימע ווערטער, ובפרט די גאר התעוררות'דיגע סעודת רעוא דרעוין און אין שפיץ פון די דברי כיבושין און דברי אלוקים חיים מפי ממלל רברבן דער ראש ישיבה שליט"א, מיט ווארעמע דברי מוסר והדרכה לרגל ימי השובבי"ם.

מוצאי שבת נאך מעריב איז געפראוועט געווארן הבדלה, און דערנאך איז דער ציבור אריבער זאגן א גוטע וואך וואס האט זיך פארצויגן פאר גאר א לאנגע צייט, דער ראש ישיבה האט יעדעם צוריקגעוואונטשן בצהלת פנים, דערנאך האט דער ציבור ארויסבאגלייט דעם ראש ישיבה בשירה וזמרה, נאך אזא געהויבענעם שבת.