ס"ד * ומלאה הארץ דעה את ה': ען-דזשעי-פּעק וועט אַקאָמאַדירן פלייץ פון פרישע טויזענטער ביים דרשו סיום העולמי אין אַמעריקע די צענדליגער טויזנטער זיץ פלעצער אינעם פראדענשעל סטאַדיום זענען שוין כמעט אויספאַרקויפט אָבער דאָס פלייץ פון רבבות ישראל פון איבער אַלע קהילות הקודש אַנטייל צו נעמען אינעם היסטאָרישן חגיגה לאָזט נישט נאָך - לוקסוריעזער ען-דזשעי-פעיק צענטער געפינט זיך געציילטע מינוט שפּאַציר פונעם פראדענשעל סענטער – הנה ימים באים! * א חדות קודש נעמט ארום דאס אמעריקאנער אידענטום שטייענדיג בלויז דרייסיג טעג אפגערוקט פונעם היסטארישן "דרשו סיום העולמי" וואס וועט אפגעהאלטן ווערן אין אמעריקע, קומענדיגן זונטאג יתרו י"ד שבט הבעל"ט. די דרשו סיום העולמי וועט פארקומען במקהלות רבבות אלפי ישראל פון איבער אלע שיכטן און קרייזן, לענגאויס דריי גיגאנטישע צענטערן אין ניו דזשערסי: פראדענשעל סטאדיום, ען-דזשעי-פעקי, און א באזונדערע פראגראם וועט זיין פאר פרויען אינעם נוארק-סימפאני. עס אנטשפרעכט צו זיין דאס הויעכפונקט אין קייט פון חגיגות וואס "דרשו" האלט יעצט אפ איבער די גאנצע וועלט. א חגיגה-קייט וואס איז געעפענט געווארן פארגאנגעם מוצאי שבת חנוכה אין די בניני האומה אין ירושלים און פאלגט נאך מיטן מאסיווען חגיגה אינעם יד אליהו סטאדיום אין תל אביב דעם דאנערשטאג אוונט, במעמד קודש פון די גדולי וצדיקי הדור שליט"א. באזונדערע גיגאנטישע דרשו פייערונגען קומען אויך פאר אין די איצטיגע וואכן, אין פילע אנדערע לענדער ארום דער וועלט, ווי: מאנטשעסער, פראנקרייך, סאוט-אפריקע, לאנדאן און ארגענטינא. "די שווערע צענדליגער טויזנטער זיץ פלעצער אינעם פראדענשעל סטאדיום זענען שוין כמעט אויספארקויפט אבער דאס פלייץ פון פרישע טויזנטער אנטייל צו נעמען אינעם היסטארישן סיום לאזט נישט נאך..." – געבט מען איבער פונעם דרשו הויפטקווארטיר אין אמעריקע. אין ליכט פונעם אומפאראויסגעזעענעם מאסן פארלאנג פאר טיקעטס אינערהאלב אלע היימישע קהילות, האט דרשו אריינגעברענגט אין באנוץ פאר'ן סיום אלס צווייטע הויפט לאקאציע, דעם גיגאנטישן ען-דזשעי-פעקי צענטער אין ניו דזשערסי, דאס וועט ערמעגליכן צו אקאמאדירן די פרישע טויזנטער וואס זוכן צו קויפן סיום טיקעטס. דער לוקסוריעזער ען-דזשעי-פעיק געפינט זיך ממש א געציילטע מינוט שפאציר פונעם פראדענשעל סענטער, עס קומט נאך אלע באדערפענישן דאס צו קענען אויסרישן אלס צווייטער הויפט לאקאציע. די "ען-דזשעי-פעק" סיום אנטיילנעמער וועלן מיטהאלטן לעבעדיג אלע הויעכפונקטן פונעם צענטראלן סיום, אויך וועט לויפן דארט געוויסע טיילן פון אן אייגנארטיגער פראגראם. די סיום אנטשפרעכט צו זיין עפעס וואס אמעריקע האט נאך קיינמאל בעפאר נישט בייגעוואוינט. עס קומען צו פארן די גרעסטע מוזיק און נגינה קאנאנען פון ארץ ישראל, וועלכע וועלן אנפירן מיט די ריקודי קודש לענגאויס דעם גאנצן מעמד. לויט ווי די דרשו פירער געבן איבער וועט די סיום אין אמעריקע זיין די "סאמע שפיץ" פון אלע חגיגות ארום דער וועלט, מען רעדט דא פון א מאיעסטעטישן אוונט וואס וועט לויט אלע פארשאצונגען זיין היסטאריש און איבערלאזן אן הייליגער רושם פאר לאנגע יארן. הנה ימים באים, דאס אמריקאנער אידענטום שטייט גרייט! דרשו ה' ועוזו: יחד שבטי ישראל! * פאר אלע אינפארמאציע ארום דעם סיום קען מען רופן אינעם צענטראלן סיום קאמענד סענטער אויף: 347-857-4986