די אַמעריקאַנער מוסולמענער גרופּעס האָבן אינדאָרסירט טראָמפּ בעפאָר די וואַלן, וועלנדיג אויסדרוקן אויפברויז קעגן די שטאַרקע שטיצע וואָס די ביידען אַדמיניסטראַציע האָט צוגעשטעלט פאַר מדינת ישראל אין די מלחמות אין עזה און לבנון. אָבער יעצט זאָגן זיי אַז זיי זענען שטאַרק אַנטוישט מיט די מענטשן וועמען טראָמפּ האָט גענומען דערווייל אין זיין קאַבינעט, אַריינגערעכנט דעם פּראָ-מדינת ישראל סענאַטאָר מאַרקאָ רוביאָ אַלס סעקרעטערי אָוו סטעיט, און געוועזענער אַרקענסאָו גאָווערנאָר מייק הוקאבי אַלס אַמבאַסאַדאָר צו מדינת ישראל.