שאלי שרופה באש: הארץ רייסענדע לוויה פון די צען ספרי תורה וואס זענען טראגיש פארברענט געווארן אין א אנטעסעמיטישע אטאקע אויף א איר אלטע בית הכנסת. אין רוסלאנד
גאלערי
דאגאסטאן - שבעה עשר בתמוז נאכמיטאג ווען אידן טרויערן אויף דעם וואס אפוסטומוס האט פארברענט א ספר תורה האבן די אידן פון דערבענט געטרויערט אויף זייער אייגענע ספרי תורה וואס זענען פארברענט געווארן דורך איסלאמישע טעראריסטן ביים שוידערליכע טעראר אטאקע אויף זייער שוהל א חודש צוריק, די אידן האבן געדאוונט אין די חצר פון ביהמ"ד און שפעטער ארויסגעפארן צום אלטן בית החיים אין שטאט וואו עס איז פארגעקומען די לויה פאר די 10 פארברענטע ספרי תורה.
א ספעציעלע משלחת פון רבנים איז אראפגעשיקט געווארן פון מאסקווע דורכן הויפט רב פון רוסלאנד הרב בערל לאזאר שליט"א וואס האט אויך אויסגעשטעלט די ספעציעלע תפילות צו זאגן ביים לויה, מיט טרערן אין די אויגן האט מען אריינגעלייגט די איבערבלייבענישן פון די ספרי תורה און אנדערע תשמישי קדושה אין די קבר און דערנאך געזאגט קדיש און די סליחה פון שאלי שרופה באש.
קרעדיט: זעמל