ווידעא: גרעניץ פאליציי ראטעוועט ארויס א מדינת ישראל דרייווער וואס איז בטעות אריינגעפארן אין שטח A נעבן ראמאללא
גאלערי
ווידעאס
בס"ד
דראמאטישע רעטונג: א איד וואס איז בטעות אריינגעפארן אין א פאלעסטינער דארף נעבן ראמאללא איז ארויסגעראטעוועט געווארן אומגעשעדיגט
א מדינת ישראל בירגער וואס איז בטעות אריינגעפארן אין 'שטח A' נעבן ראמאללא, איז ארויסגעראטעוועט געווארן אומגעשעדיגט דורך די גרעניץ פאליציי, נאכדעם וואס ער האט זיך געכאפט אז ער האט גענומען א ראנג טוירן און האט אריינגערופן די פאליציי פאר הילף.
דער אינצידענט האט פאסירט זונטאג, ווען דער דרייווער, אן איינוואוינער פון חולון, איז בטעות אריינגעפארן מיט זיין קאר אינעם פאלעסטינער אויטאריטעט קאנטראלירטן געגנט. עס איז וויכטיג צו באטאנען אז עס איז שטרענג פארבאטן פאר מדינת ישראל בירגער אריינצופארן אין 'שטח A', און די אטאריטעטן ווארענען כסדר אז דאס קען ברענגען אן ערנסטע סכנה פאר'ן לעבן.
ווי נאר דער דרייווער האט באגרייפט זיין טעות, האט ער גלייך געקאלט די 100 עמערדזשענסי האטליין פון די פאליציי. אפיצירן פון די ירושלים ארומיגע גרעניץ פאליציי (מג"ב) האבן תיכף ומיד אנגעקניפט א טעלעפאנישע פארבינדונג מיט אים און זענען געבליבן אויפ'ן ליין, אים געבנדיג זיכערהייט אינסטרוקציעס, אינדערצייט וואס א ספעציעלע טיעם איז ארויסגעשיקט געווארן אים צו טרעפן.
די אפיצירן האבן דורכגעפירט א זוכעניש אינעם געגנט ביז זיי האבן אידענטיפיצירט דעם מאן'ס קאר. זיי זענען אנגעקומען צו אים, זיכער געמאכט אז ער איז ברוך השם נישט געשעדיגט געווארן, און אים באגלייט ארויס פון שטח A צו א זיכערע ארט.
די פאליציי האט שפעטער ארויסגעגעבן ווידעא פוטעדזש פונעם אינצידענט, וואס דאקומענטירט טיילן פון די אפעראציע פון אינעווייניג אין די פאליציי קאר, בשעת די אפיצירן האבן געארבעט אנצוקומען צום פארוואגלטן דרייווער. אויפ'ן ווידעא קען מען הערן ווי דער דערשראקענער איד זאגט מיט אן אפקלאנג פון רואיגקייט נאכ'ן טרעפן די אפיצירן: "יעצט בין איך רואיג." דער דרייווער איז ארויס פונעם גאנצן אינצידענט אומגעשעדיגט.
נאך די סוקסעספולע רעטונג אפעראציע, האט די פאליציי איבערגעחזר'ט זייער ווארענונג אז אריינפארן אין שטח A איז אומלעגאל פאר מדינת ישראל בירגער, און האבן געבעטן פונעם ציבור זיך צו האלטן ווייט פון די סארט געגנטער און פאלגן די אנווייזונגען פון די זיכערהייט קרעפטן.
דראמאטישע רעטונג: א איד וואס איז בטעות אריינגעפארן אין א פאלעסטינער דארף נעבן ראמאללא איז ארויסגעראטעוועט געווארן אומגעשעדיגט
א מדינת ישראל בירגער וואס איז בטעות אריינגעפארן אין 'שטח A' נעבן ראמאללא, איז ארויסגעראטעוועט געווארן אומגעשעדיגט דורך די גרעניץ פאליציי, נאכדעם וואס ער האט זיך געכאפט אז ער האט גענומען א ראנג טוירן און האט אריינגערופן די פאליציי פאר הילף.
דער אינצידענט האט פאסירט זונטאג, ווען דער דרייווער, אן איינוואוינער פון חולון, איז בטעות אריינגעפארן מיט זיין קאר אינעם פאלעסטינער אויטאריטעט קאנטראלירטן געגנט. עס איז וויכטיג צו באטאנען אז עס איז שטרענג פארבאטן פאר מדינת ישראל בירגער אריינצופארן אין 'שטח A', און די אטאריטעטן ווארענען כסדר אז דאס קען ברענגען אן ערנסטע סכנה פאר'ן לעבן.
ווי נאר דער דרייווער האט באגרייפט זיין טעות, האט ער גלייך געקאלט די 100 עמערדזשענסי האטליין פון די פאליציי. אפיצירן פון די ירושלים ארומיגע גרעניץ פאליציי (מג"ב) האבן תיכף ומיד אנגעקניפט א טעלעפאנישע פארבינדונג מיט אים און זענען געבליבן אויפ'ן ליין, אים געבנדיג זיכערהייט אינסטרוקציעס, אינדערצייט וואס א ספעציעלע טיעם איז ארויסגעשיקט געווארן אים צו טרעפן.
די אפיצירן האבן דורכגעפירט א זוכעניש אינעם געגנט ביז זיי האבן אידענטיפיצירט דעם מאן'ס קאר. זיי זענען אנגעקומען צו אים, זיכער געמאכט אז ער איז ברוך השם נישט געשעדיגט געווארן, און אים באגלייט ארויס פון שטח A צו א זיכערע ארט.
די פאליציי האט שפעטער ארויסגעגעבן ווידעא פוטעדזש פונעם אינצידענט, וואס דאקומענטירט טיילן פון די אפעראציע פון אינעווייניג אין די פאליציי קאר, בשעת די אפיצירן האבן געארבעט אנצוקומען צום פארוואגלטן דרייווער. אויפ'ן ווידעא קען מען הערן ווי דער דערשראקענער איד זאגט מיט אן אפקלאנג פון רואיגקייט נאכ'ן טרעפן די אפיצירן: "יעצט בין איך רואיג." דער דרייווער איז ארויס פונעם גאנצן אינצידענט אומגעשעדיגט.
נאך די סוקסעספולע רעטונג אפעראציע, האט די פאליציי איבערגעחזר'ט זייער ווארענונג אז אריינפארן אין שטח A איז אומלעגאל פאר מדינת ישראל בירגער, און האבן געבעטן פונעם ציבור זיך צו האלטן ווייט פון די סארט געגנטער און פאלגן די אנווייזונגען פון די זיכערהייט קרעפטן.