ניסימ'דיגע רעטונג אין סאנטיאגא: מאן רייט אויף אן איבערגעדרייטע טראק זיך צו ראטעווען פון די פארפלייצונגען
גאלערי
ווידעאס
בס"ד
דראמאטישע סצענעס אין טשילע: מאן ראטעוועט זיך בדרך נס נאכדעם וואס זיין טראק ווערט פארשוועמט אין מאסיווע פארפלייצונגען
סאנטיאגא, טשילע. – א דראמאטישע סצענע האט זיך אפגעשפילט אין די 'לאס קאנדעס' דיסטריקט אין סאנטיאגא, טשילע, ווען מאסיווע פארפלייצונגען האבן מיט א געוואלדיגע קראפט אוועקגעשוועמט קארס און טראקס, אריינגערעכנט אן איבערגעדרייטע טראק וואו א מאן האט דעספעראט געקעמפט פאר זיין לעבן.
דער דרייווער האט זיך ארויפגעכאפט אויפן דאך פון זיין טראק בעת די ווילדע שטראם פון וואסער, בלאטע און שטיינער האט עס מיטגעשלעפט אינאיינעם מיט אנדערע קארס און חורבות. אין א פאנישע פרואוו זיך צו ראטעווען, האט ער זיך א ווארף געטאן צו א צווייג פון א בוים און זיך אנגעכאפט דערין מיט אלע כוחות, ביז די וואסערן האבן אנגעהויבן פאלן און ער האט זיך געקענט ברענגען אין זיכערהייט.
ווידיאו פוטעדזש פונעם אינצידענט צייגט די שרעקעדיגע מאמענטן ווי דער טראק קוילערט זיך און דער מאן האלט זיך אן אינעם בוים אינמיטן דעם כאאס פון פליענדיגע קארס און ברוכווארג. זיין שנעלע טראכטן און פיזישע אנשטרענגונג האט פארוואנדלט וואס האט געקענט זיין א טראגישע ענדע, אין א העראישע געשיכטע פון איבערלעבונג וואס איז ברייט פארשפרייט געווארן.
די פלוצלינגדיגע פארפלייצונג און בלאטע-גליטש האט פאסירט דעם 9'טן אקטאבער אין די רייכע געגנט, נאכדעם וואס רעקארד רעגנס האבן אראפגעברענגט 14.4 צענטימעטער וואסער — ניין מאל מער ווי די דורכשניטליכע מאנאטליכע רעגן — וואס קומט אלס רעזולטאט פון א שטארקע 'על ניניא' וועטער סיסטעם וואס האט איבערגעפילט די בערג אין די געגנט.
די נאטור-קאטאסטראפע האט איבערגעלאזט זעקס מענטשן פארוואונדעט, אריינגערעכנט א קליין קינד. איבער 2,000 היימען זענען געשעדיגט געווארן, און לאקאלע קליניקס און א יוניווערסיטי זענען געווארן אינגאנצן פארפלייצט.
די אויטאריטעטן האבן עוואקואירט מער ווי 1,000 איינוואוינער נאכדעם וואס די גאסן האבן זיך פארוואנדלט אין טייכן פון בלאטע און שמוץ וואס האט איבערראשט אסאך מענטשן אינמיטן העלן טאג. דער פרעזידענט, כאסעי אנטאניא קאסט, האט דערקלערט די געגנט אלס א דיזעסטער זאנע, פארארדנט צו פארמאכן די שולעס, און מאביליזירט עמערדזשענסי טיעמס איבער די גאנצע אפעקטירטע סעקטאר.
דערווייל גייען אן די רייניגונג און רעטונגס ארבעט, בעת באאמטע שאצן אפ די פולע פארנעם פון די שאדנס צו די געביידעס אין די געגנט. די עקסטרעמע וועטער ערשיינונג האט נאכאמאל ארויסגעברענגט די שווערע קאנסעקווענצן פון מאסיווע רעגנס אויף שטעט וואס געפינען זיך נעבן די בערג.
דראמאטישע סצענעס אין טשילע: מאן ראטעוועט זיך בדרך נס נאכדעם וואס זיין טראק ווערט פארשוועמט אין מאסיווע פארפלייצונגען
סאנטיאגא, טשילע. – א דראמאטישע סצענע האט זיך אפגעשפילט אין די 'לאס קאנדעס' דיסטריקט אין סאנטיאגא, טשילע, ווען מאסיווע פארפלייצונגען האבן מיט א געוואלדיגע קראפט אוועקגעשוועמט קארס און טראקס, אריינגערעכנט אן איבערגעדרייטע טראק וואו א מאן האט דעספעראט געקעמפט פאר זיין לעבן.
דער דרייווער האט זיך ארויפגעכאפט אויפן דאך פון זיין טראק בעת די ווילדע שטראם פון וואסער, בלאטע און שטיינער האט עס מיטגעשלעפט אינאיינעם מיט אנדערע קארס און חורבות. אין א פאנישע פרואוו זיך צו ראטעווען, האט ער זיך א ווארף געטאן צו א צווייג פון א בוים און זיך אנגעכאפט דערין מיט אלע כוחות, ביז די וואסערן האבן אנגעהויבן פאלן און ער האט זיך געקענט ברענגען אין זיכערהייט.
ווידיאו פוטעדזש פונעם אינצידענט צייגט די שרעקעדיגע מאמענטן ווי דער טראק קוילערט זיך און דער מאן האלט זיך אן אינעם בוים אינמיטן דעם כאאס פון פליענדיגע קארס און ברוכווארג. זיין שנעלע טראכטן און פיזישע אנשטרענגונג האט פארוואנדלט וואס האט געקענט זיין א טראגישע ענדע, אין א העראישע געשיכטע פון איבערלעבונג וואס איז ברייט פארשפרייט געווארן.
די פלוצלינגדיגע פארפלייצונג און בלאטע-גליטש האט פאסירט דעם 9'טן אקטאבער אין די רייכע געגנט, נאכדעם וואס רעקארד רעגנס האבן אראפגעברענגט 14.4 צענטימעטער וואסער — ניין מאל מער ווי די דורכשניטליכע מאנאטליכע רעגן — וואס קומט אלס רעזולטאט פון א שטארקע 'על ניניא' וועטער סיסטעם וואס האט איבערגעפילט די בערג אין די געגנט.
די נאטור-קאטאסטראפע האט איבערגעלאזט זעקס מענטשן פארוואונדעט, אריינגערעכנט א קליין קינד. איבער 2,000 היימען זענען געשעדיגט געווארן, און לאקאלע קליניקס און א יוניווערסיטי זענען געווארן אינגאנצן פארפלייצט.
די אויטאריטעטן האבן עוואקואירט מער ווי 1,000 איינוואוינער נאכדעם וואס די גאסן האבן זיך פארוואנדלט אין טייכן פון בלאטע און שמוץ וואס האט איבערראשט אסאך מענטשן אינמיטן העלן טאג. דער פרעזידענט, כאסעי אנטאניא קאסט, האט דערקלערט די געגנט אלס א דיזעסטער זאנע, פארארדנט צו פארמאכן די שולעס, און מאביליזירט עמערדזשענסי טיעמס איבער די גאנצע אפעקטירטע סעקטאר.
דערווייל גייען אן די רייניגונג און רעטונגס ארבעט, בעת באאמטע שאצן אפ די פולע פארנעם פון די שאדנס צו די געביידעס אין די געגנט. די עקסטרעמע וועטער ערשיינונג האט נאכאמאל ארויסגעברענגט די שווערע קאנסעקווענצן פון מאסיווע רעגנס אויף שטעט וואס געפינען זיך נעבן די בערג.