כ"ק אדמו"ר ממונקאטש שליט"א באזוכט אין מאנסי בהיכל ישיבתו "יודעי בינה" מונקאטש: 

פארלאפענעם וואך אין די טעג נאך די הילולא קדישא פונעם הייליגן בני יששכר זי"ע איז נכדו ממשיך דרכו בקודש כ"ק אדמו"ר ממונקאטש שליט"א אנגעקומען קיין מאנסי אויף א באזוך אין די ישיבה הקדושה 'יודעי בינה' מונקאטש וואס שטייט בראשות בנו הגה"צ רבי ירוחם פישל ראבינאוויטש שליט"א ראש ישיבת יודעי בינה.

עס איז שוין איינגעפירט יאר-יערליך, אז אין צוזאמענהאנג מיטן יומא דהילולא פונעם ראש השלשלת, דער הייליגער בני יששכר זי"ע, ח"י טבת, וואס איז היי-יאר אויסגעפאלן אום שבת קודש, קומט דער רבי שליט"א ארויס קיין מאנסי, לבקר בהיכלו אין די ישיבה "יודעי בינה" מונקאטש.

ביים אנקומען אינעם בנין המוסדות, איז דער רבי שליט"א אנטפאנגען געווארן בשירה ובזמרה דורך די תינוקת של בית רבן פונעם ארטיגן "תלמוד תורה תפארת בנים מונקאטש", און דערנאך איז דער רועה נאמן, דער רבי שליט"א ערשינען בהיכל הישיבה. דער בימת הכבוד איז געווען באשיינט מיט די רמ"י ומנהלי הישיבה, ובראשם דער ראש הישיבה הגה"צ רבי ירוחם פישל שליט"א, בנו יקירו פונעם רבי'ן שליט"א.

די מעמד איז געעפענט געווארן דורך איינע פון די חשוב'ע מגידי שיעור, הרה"ג ר' חיים אלעזר צבי ראבינאוויטש שליט"א, אן אייניקל פון רבי'ן שליט"א, און דערנאך האט מען געהאט די זכיה צו הערן פון רבי'ן שליט"א, ווארימע דברות קודש ודברי התעוררות, בחיזוק לימוד התורה ובעניני שובבי"ם.
קרעדיט: אידישע נייעס