הרבנית מגור תליט"א אנגעוויזן אויף תפילות; האדמו"ר מגור אנגעקומען אין שפיטאל צו אבזערווירן מצב בריאותה: 

די נאכט איז הרבנית הצדיקת מגור תליט"א, מחברתו הטהורה פון כ"ק אדמו"ר מגור שליט"א, אריינגעפירט געווארן אין שפיטאל נאכן זיך נישט גוט שפירן אין די לעצטערע טעג.

די גורער רעבעצין תליט"א איז שוין ליידער עטליכע יאהר נישט בקו הבריאות און ליידט שוין די לעצטערע יאהרן אויף קאמפליקאציע'ס מיטן אטעם, דורכאויס די לעצטע פאר חדשים איז די מצב געווען היבש רואיג.

היינט צופרי איז דער רעבעצען אומגעפאלן אין שטוב, און זי איז אפגעפירט געווארן אין שפיטאל דורך חברה הצלה, וואו עס שטעלט זיך ארויס ליידט דער רעבעצען פון א לונגען אנטצינדונג וואס קען זיין גאר מסוכן אין דעם רעבעצען'ס האקעלע געזונט צושטאנד.

היינט אינדערפרי איז כ"ק אדמו"ר מגור שליט"א ארויסגעפארן צו די הדסה שפיטאל וואו דער רבי האט באזוכט ביי די רעבעצען און געהערט א באריכט פון די דאקטוירים איבער די רעזולטאטן פון די ערשטע אונטערזיכונגען.

פון שפיטאל איז דער רבי שליט"א צוגעפארן צום גערער ישיבה 'שפת אמת' אין ירושלים מקום מנוחת קדשו פון זקינו הרה"ק בעל 'אמרי אמת' מגור זי"ע וואו דער רבי האט מתפלל געוועהן לרפואתה השלימה פון עזרתו בקודש דער רעבעצען שתחי'.

דעם רבינס זוהן הרה"צ ר' נחמיה אלתר שליט"א וואס איז אנגעקומען אויף א באזוך קיין ניו יארק, געפינט זיך שוין על אם הדרך אהיים קיין ארץ ישראל, אויפן רבינס בקשה, צו קענען זיין בייהילפיג און אבזערווירן דער מצב פון דער נאנט. גלייכצייטיג איז אפגערופן געווארן די צען בריתן וואס האבן געזאלט פארקומען היינט נאך תפילת שחרית ביי כ"ק אדמו"ר מגור שליט"א.

כלל ישראל איז מתפלל לרפואתה השלימה, הרבנית מרת שושנה רייזל ביילא בת מינדל קיילא בתוך שאר חולי ישראל 

קרעדיט: אידישע נייעס