פארגאנגענעם דינסטאג פרשת במדבר אויפדערנאכט איז דער רב שליט"א אנגעקומען אין די זאלן פון גינת אסתר וואו עס איז פארגעקומען אן אסיפה פאר אלע עסקני וגבאי התאחדות אברכים צו מחזק זיין די עבודת הקודש מיט'ן אויפהייבן די כח התורה בקרב קהילתינו הק' בכלל, ובפרט יעצט מיט די מאסיווע אנשליס קאמפיין צו חבורת תורתך שעשועי וואס פראוועט יעצט א סיום הש"ס און הייבט אן א פרישע מחזור אין ש"ס.

דער רב האט משמיע געווען א דרשה פאר אלע עסקנים און ארומגערעדט איבער די כח התורה וואס שפרודלט ב"ה בקרב הקהילה, ס'איז גאר שטארק אוועקגעשטעלט מיט תורה אבער ס'קען אייביג זײן בעסער, און מ'דארף זעהן מחזק צו זיין און הייבן די לימוד התורה אין די קהילה,

און ארומגערעדט ספעציעל איבער חבורת תורתך שעשועי וועלכע האלט יעצט ביי די לעצטע דפים פון ש"ס, און ארויסגעברענגט לשבח דער פטרון החבורה מוה"ר יצחק שווארץ הי"ו, און ספעציעל ביים יעצטיגן סיום הש"ס דורך אלפי חברי הקהילה איז אריינגעלייגט געווארן אויסטערלישע כוחות און מ'האט געטוישט די פלענער אז אלעס זאל זיין לכבוד התורה אויף א ערליכע וועג, און באדאנקט די עסקנים פאר די עבודה וואס זיי לייגן אריין, און צוגעענדיגט מיט ברכות לרוב.