תימן: סאודי-געשטיצטע רעגירונג קרעפטן מאכן פארשריט קעגן די חוטי רעבעלן אין 'על-דזשאוף' פראווינץ

סאודי-געשטיצטע תימן רעגירונג קרעפטן האבן זיך פאראויסגעריקט צו די עקן פונעם 'על-דזשאוף' פראווינץ, וואס געפינט זיך דרום פונעם סטראטעגישן שטאט מאריב. די אפענסיווע ווערט געשטיצט דורך מאסיווע לופט אפעראציעס וואס צילן די פאזיציעס און סופליי רוטס פון די חוטי רעבעלן.

באריכטן פונעם שלאכטפעלד צייגן ווי רעגירונג טרופן און לאקאלע שבטים קעמפער רוקן זיך פאראויס אינעם מדבר און נעמען איין נייע טעריטאריעס אין די לעצטע טעג. ווידעא קליפס פונעם געגנט ווייזן באוואפנטע קעמפער מארשירן איבער זאמדיגע בערג און פלוינען נעבן חרוב'ע געביידעס אין צפון תימן.

רעגירונג קוועלעס געבן איבער איבער פארשריט אין לאקאציעס ווי 'על-יאטמאה' און אויפן וועג צו 'על-האזם', די הויפטשטאט פונעם פראווינץ. די מיליטער זאגט אז זיי האבן איבערגענומען קאנטראל אויף וויכטיגע פונקטן, אריינגערעכנט מיליטערישע קעמפס און מארקפלעצער, וואס פארשטארקט זייער פאזיציע פאר ווייטערדיגע אטאקעס. עיר סטרייקס און ארטילעריע ווערן שטארק באנוצט צו אפשוואכן די חוטי דעפענס און אפצוהאקן פרישע כוחות וואס קומען אן פון אנדערע פראנטן. מיליטערישע ווארטזאגער האבן אראפגעלייגט די אפעראציע אלס א טייל פון א ברייטערע פלאן צו לייגן פרעשור אויף די טעריטאריעס אונטער חוטי קאנטראל.

פון די אנדערע זייט האבן די חוטי קרעפטן רעאגירט מיט זייערע אייגענע קלעימס פון זיג. זיי באריכטן אז זיי האבן באמבארדירט סאודי-געשטיצטע טרופן מזרח פון על-דזשאוף, חרוב געמאכט מיליטערישע טרעקלעך און פאראורזאכט פילע טויטע און פארוואונדעטע. חוטי מידיא האט ארויסגעשטעלט ווידעאס וואס צייגט רעזולטאטן פון די קאנטער-אטאקעס. ביידע זייטן האלטן אין איין ארויסגעבן קאנפליקטינג באריכטן איבער ווער עס קאנטראלירט געוויסע פאזיציעס, עפעס וואס איז גאנץ נארמאל ביי די מדבר שלאכטן אין דעם ראיאן. עס איז שווער צו באשטעטיגן די פאקטן זעלבסטשטענדיג צוליב די שווערע צוטריט צום ווייטן פראנט.

דער על-דזשאוף פראנט איז זייער וויכטיג צוליב איר לאקאציע נעבן מאריב און די שאסייען וואס פירן קיין צפון תימן. קאנטראלירן די מדבר וועגן קען האבן א שטארקע ווירקונג אויף סופליי ליניעס. די סאודישע לופט שטיצע שפילט א גרויסע ראלע אין די לעצטיגע רעגירונג פארשריט, און די יעצטיגע אפענסיווע איז א פרואוו פון די תימן רעגירונג צוריקצובאקומען דעם מאמענטום נאך א לענגערע צייט פון חוטי פרעשור. צי זיי וועלן קענען אנהאלטן די נייע טעריטאריעס ווענדט זיך אין לאדזשיסטיקס, לופט שטיצע און די מעגליכקייט זיך צו קעגנשטעלן די חוטי קאנטער-אטאקעס.

אינדערצייט וואס די פראנט ליניעס רוקן זיך, ליידן די ציווילע איינוואוינער אין די ארומיגע געגנטער. לאקאלע באריכטן דערציילן איבער פאמיליעס וואס אנטלויפן פון די קאמף זאנעס, בשעת בעסיק סערוויסעס זענען אפגעהאקט. די הומאניטארישע קריזיס אין תימן איז שוין אזוי אויך גאר שווער נאך יארן פון מלחמה, און די פרישע שלאכטן לייגן נאר צו צום מצב, בפרט ווען הילף קען קוים אנקומען צו די ווייטע פראווינצן ווען די קאמפן פלאקערן.