א זעלטענע פינקע דאלפין פיש איבערראשט באזוכער נעבן די ברעגעס פון אמאן
גאלערי
ווידעאס
בס"ד
זעלטענע ערשיינונג: א ראזעווע דאלפין געזען שווימען ביים ברעג פון אמאן
א ווידיאו פוטידזש איז לעצטנס פארשפרייט געווארן וואו מען זעט א זעלטענע ראזעווע דאלפין ארויפקומען צום אויבערפלאך און שווימען אינאיינעם מיט אנדערע טונקעלע דאלפינען אין די וואסערן ביים ברעג פון אמאן.
די אינטערעסאנטע סצענע איז אפגעכאפט געווארן נעבן די 'קאנטאב ביטש' אין די שטאט מוסקאט ארום מיטן חודש אקטאבער 2026, און איז שנעל געווארן וויירעל נאכדעם וואס באזוכער ביים ברעג האבן פילמירט די גרופע דאלפינען גאנץ נאנט צום יבשה. דער ראזעווער דאלפין שטעכט שטארק ארויס צווישן די איבעריגע פונעם גרופע, וואס דאס איז די הויפט סיבה פארוואס די קליפ האט זיך אזוי שנעל פארשפרייט. עס איז אבער נישט קלאר פונעם ווידיאו פונקטליך ווען עס איז אפגעכאפט געווארן אדער ווי לאנג די דאלפינען זענען געבליבן דארט.
ים-עקספערטן זאגן אז די ראזעווע קאליר קען קומען פון פארשידענע אורזאכן, געווענדליך לויט די סארט דאלפין. ביי געוויסע סארטן קומט עס פון בלוט-געפעסן וואס זענען נאנט צום הויט, בעת ביי אנדערע עלטערע דאלפינען קען עס קומען פון אן אנזאמלונג פון אלטע וואונדן אויפן קערפער.
ביידע סארטן געפינען זיך אין די וואסערן פון אמאן, וואס איז די היים פאר ארום 20 פארשידענע סארטן וויילפיש און דאלפינען. דערווייל איז נאכנישט באשטעטיגט געווארן פונקטליך וועלכע סארט דאלפין דאס איז, דעריבער בלייבט די סיבה פארן קאליר אומקלאר. פארשער זאגן אז זיי וועלן דארפן נעמען א נענטערע בליק אויפן פוטידזש, אדער אויפן דאלפין זעלבסט, צו קענען פעסטשטעלן מער דעטאלן.
זעלטענע ערשיינונג: א ראזעווע דאלפין געזען שווימען ביים ברעג פון אמאן
א ווידיאו פוטידזש איז לעצטנס פארשפרייט געווארן וואו מען זעט א זעלטענע ראזעווע דאלפין ארויפקומען צום אויבערפלאך און שווימען אינאיינעם מיט אנדערע טונקעלע דאלפינען אין די וואסערן ביים ברעג פון אמאן.
די אינטערעסאנטע סצענע איז אפגעכאפט געווארן נעבן די 'קאנטאב ביטש' אין די שטאט מוסקאט ארום מיטן חודש אקטאבער 2026, און איז שנעל געווארן וויירעל נאכדעם וואס באזוכער ביים ברעג האבן פילמירט די גרופע דאלפינען גאנץ נאנט צום יבשה. דער ראזעווער דאלפין שטעכט שטארק ארויס צווישן די איבעריגע פונעם גרופע, וואס דאס איז די הויפט סיבה פארוואס די קליפ האט זיך אזוי שנעל פארשפרייט. עס איז אבער נישט קלאר פונעם ווידיאו פונקטליך ווען עס איז אפגעכאפט געווארן אדער ווי לאנג די דאלפינען זענען געבליבן דארט.
ים-עקספערטן זאגן אז די ראזעווע קאליר קען קומען פון פארשידענע אורזאכן, געווענדליך לויט די סארט דאלפין. ביי געוויסע סארטן קומט עס פון בלוט-געפעסן וואס זענען נאנט צום הויט, בעת ביי אנדערע עלטערע דאלפינען קען עס קומען פון אן אנזאמלונג פון אלטע וואונדן אויפן קערפער.
ביידע סארטן געפינען זיך אין די וואסערן פון אמאן, וואס איז די היים פאר ארום 20 פארשידענע סארטן וויילפיש און דאלפינען. דערווייל איז נאכנישט באשטעטיגט געווארן פונקטליך וועלכע סארט דאלפין דאס איז, דעריבער בלייבט די סיבה פארן קאליר אומקלאר. פארשער זאגן אז זיי וועלן דארפן נעמען א נענטערע בליק אויפן פוטידזש, אדער אויפן דאלפין זעלבסט, צו קענען פעסטשטעלן מער דעטאלן.