בס"ד

אומגלויבליך: אן איינציגע באלאן לאזט איבער פיר געגנטער אין אוזבעקיסטאן אן קיין עלעקטריציטעט

אן איינציגע פשוט'ע באלאן האט גורם געווען א מאסיווע פאוער אוטעדזש אין פיר באזונדערע געגנטער אין טאשקענט, אוזבעקיסטאן, דעם פארגאנגענעם אקטאבער 19 אין די אוונט שטונדן, נאכדעם וואס עס איז אריינגעפלויגן אין די אפענע טראנספארמער הויף פונעם ארטיגן 'אקסא טאשקענט' פאוער פלענט.

לויט די אוזבעקיסטאנער ענערגיע מיניסטעריום, האט די באלאן אקטיוויזירט א ספעציעלע שוץ-סיסטעם ביים טראנספארמער, וואס האט געפירט דערצו אז די פראדוקציע פונעם פלענט זאל פלוצלינג אראפגיין פון 460 מעגאוואט צו בלויז 185 מעגאוואט. די פלוצלינגדיגע רעדוקציע האט איבערגעהאקט די עלעקטריציטעט סופליי אין די יונוסאבאד, אלמאזאר, מירזא-אולוגבעק און שייכאנטאכור געגנטער, איבערלאזנדיג טויזנטער איינוואוינער אין די טונקל פאר א שטיק צייט.

אויף די זיכערהייט קאמערעס פונעם פלענט קען מען קלאר זען ווי די באלאן פליט אריין אין די עלעקטרישע אינסטאלאציע, נאכגעפאלגט מיט א העלע בליץ ווען די אינצידענט האט פאסירט. דער פאל האט ארויסגעברענגט ווי אזוי אן אומשולדיגע אביעקט קען אנמאכן אזעלכע ערנסטע פראבלעמען פאר סענסיטיווע היי-וואלטעדזש אינפראסטרוקטור, און אקטיוויזירן די שוץ-סיסטעמען וואס זענען געמאכט צו פארמיידן ערנסטערע שאדנס צום טייערן עקוויפמענט.

די ארטיגע אויטאריטעטן האבן רעאגירט גאר שנעל און אנגעגרייט אלטערנאטיווע פאוער סופלייס ביז די סיסטעם איז סטאביליזירט געווארן. די ענערגיע מיניסטעריום האט איבערגעגעבן אז די עלעקטריציטעט איז פולשטענדיג צוריקגעשטעלט געווארן אין ארום א האלבער שעה דורך בעקאפ קוואלן, וואס האט באגרעניצט די צייט פונעם בלעקאוט.

כאטש די אינצידענט איז געווען א קורצע, האט עס קלאר געוויזן די סכנה פון פרעמדע חפצים וואס פליען אריין אין אפענע עלעקטרישע עקוויפמענט. נאכן אינצידענט האט די מיניסטעריום ארויסגעגעבן א רוף צום פובליק נישט צו לאזן פליען קיין באלאנען אין די נאנטקייט פון פאוער פלענטס אדער עלעקטרישע סוב-סטעישאנס, ווארענענדיג אז אזעלכע קלייניקייטן קענען גורם זיין אומנויטיגע פראבלעמען און איבערהאקן די פאוער פאר טויזנטער קאסטומערס.