Loading

אסיפת שדכנים בבית כ"ק אדמו"ר מסאטמאר שליט"א

ד תמוז תשפ"א

1 3,602
Main image for אסיפת שדכנים בבית כ"ק אדמו"ר מסאטמאר שליט"א

אסיפה נחיצה דורך כ"ק מרן אדמור מסאטמאר שליט"א לשדכני הקהילה בביתו נאוה קודש ר"ח תמוז תשפ"א

איבער דעם ברענענדיגען מצב השידוכים

 

 כ"ק אדמו"ר מסאטמאר שליט"א איז מעורר צו עוסק זיין און שידוכים פון בחורים און מיידלעך אין עלטערע יארגענג

עסקנים וויקלען אויף דעטאלען פונעם אסטראנאמישן קרן השידוכים ע"י שדכנים וועד ליוצאי ישיבת סאטמאר וואס האט שוין אויסגעטיילט איבער 70 טויזענט דולאר און די לעצטערע וואכען 

הרב חיים קלמן ליבערמאן שליט"א מחברי הוועד, ביים גיבן א רעפאראט פון די פעולות פון "שדכנים וועד

הרה"ג ר' יהוסף שווארץ שליט"א מדייני הוועד, ברענגט ארויס די וויי געשריי פון די עלטערע קינדער וואס זענען מצפים לישועה

כ"ק אדמו"ר מסאטמאר שליט"א: יעדע פעולה לטובת שידוכים איז שותף מיט הקב"ה צו מקיים זיין די וועלט און מעורר רחמים ומקרבת הגאולה – אויב יעדע שידוך איז כאילו בנה אחת מחורבת ירושלים, איז א שידוך פאר עלטערע קינדער כאילו בנה כמה חורבות ירושלים סיי אויף די קינדער און סיי אויף זייערע עלטערן און משפחה – מעורר שדכנים צו ארבעטן מיט א כח האחדות וואס ברענגט שטערקערע רעזולטאטען  – ברענגט ארויס לשבח הנהלת הישיבה גדולה וואס טוען געבן באונענס פאר שדכנים פאר תלמידי הישיבה פון צייט צו צייט – משבח די קרן השידוכים וואס חברים יוצאי הישיבה באצאלן גרעסערע סכומים פאר שדכנים וואס פירען אויס שידוכים אויף עלטערע בחורים יוצאי הישיבה  – דריקט אויס גרייטקייט צו שטיין צו הילף פאר די שדכנים העוסקים במלאכת הקודש.

הר"ר שלום דייטש הי"ו מחברי הוועד, גיבט איבער די פרטים וויאזוי די קרן השידוכים טוט פינקציאנירען – איבער $160,000 שוין אויסגעטיילט פאר שדכנים בהשתדלות שדכנים וועד און די לעצטע 15 חדשים וואס פון דעם איז קרוב צו $70,000 געקומען דורך די קרן השידוכים פאר שידוכים פון עלטערע בחורים יוצאי ישיבתינו – שמיעסט אויס ברייטערע פלענער פארן צוקניפט בעזהשי"ת

עטליכע ערפארענע שדכנים טרעטן אויף איבערצוגעבן זייערע עקספירענס און באדאנקען שדכנים וועד פאר זייערע איבערגעגעבענע ארבעט בעבר ובעתיד לטובת שידוכים און די קהלה בכלל און פאר עלטערע קינדער בפרט