א דעלטא פליגער פון ניו יארק איז דינסטאג אינדערפרי עוואקואירט געווארן אין בן גוריון לופטפעלד, נאכדעם וואס די זיכערהייט אויטאריטעטן האבן באקומען אן אנאנימע ווארענונג איבער א מעגליכן אויפרייס מאטריאל אויפ'ן פליגער.

דער פליגער, וואס איז ארויסגעפארן פון JFK לופטפעלד, איז געפירט געווארן צו אן אפגעזונדערטן שטח, וואו די פאסאזשירן זענען זיכערערהייט אראפגעפירט געווארן. זיכערהייט כוחות האבן דערנאך דורכגעזוכט דעם פליגער, אריינגערעכנט דעם לאסט אפטייל.

די זוכעניש איז געקומען צו אן ענדע אן דעם וואס עס זאל געפונען ווערן סיי וועלכע אויפרייס מאטעריאל אדער פארדעכטיגטע חפצים. דער פליגער איז דערקלערט געווארן זיכער, און די לופטפעלד אפעראציעס זענען צוריקגעגאנגען צו דער נארמאלער רוטין.

לויט די באריכטן, איז די ווארענונג אנגעקומען א קורצע צייט בעפאר דער לאנדונג. די אויטאריטעטן האבן דערווייל נישט געמאלדן ווער עס שטייט אונטער דער אנאנימער ווארענונג.