פרעזידענט ערוועלט טראמפ איינגעלאנדט כ"ק אדמו"ר מסאטמאר שליט"א און הגר"ש אלתר שליט"א צום ווייסן הויז

וואשינגטאן - עס ווערט באריכטעט אז אין א פרעצעדענטלאזע שריט האט פרעזידענט ערוועלט דאנעלד טראמפ אפגעשיקט אן אפיציעלע פרעזידענטליכע איינלאדונג צו כ"ק אדמו"ר מסאטמאר שליט"א און צו ראש הישיבה הגאון רבי שאול אלתר שליט"א צו אריבערקומען צום ווייסן הויז אויף א באזוך, לויט די באריכטן איז די איינלאדונג אויף אנהייב קומענדיגע פעברואר עטליכע טעג נאך די איינשווערונגס צערעמאניע.

די איינלאדונגען זענען אפגעשיקט געווארן דורך טראמפ מיט זיין פריינט און אידישע ליעזאן ר׳ יהודה קאפלאן פון מיאמי וואס האט שווער געארבעט בעפאר די וואלן ארויס צו ברענגען די אידישע בלאק וואוט אין אמעריקע און אין די היימישע געגנטער אין ניו יארק צו שטימען פאר טראמפ, טראמפ וויל מיט דעם איינלאדונג צייגן זיין דאנקבארקייט פאר די חרדי׳שע פירער וואס זענען אפיציעל קלאר ארויסגעקומען אים שטיצן אין די טעג בעפאר די פרעזידענטליכע וואלן.