בס"ד

הֶהָרִים וְהַגְּבָעוֹת יִפְצְחוּ לִפְנֵיכֶם רִנָּה וְכָל עֲצֵי הַשָּׂדֶה יִמְחֲאוּ כָף

גייסטרייכע דערהויבענע מעמד "קביעת מזוזה" פארגעקומען אין נייעם פרעכטיגע געביידע "בנין אינזליכט" קומת ניישטאדט בהשתתפות געטרייע איבערגעגעבענע הנהלת "מחנה רב טוב" נדיבי הבנין ובראשם הגה"צ אב"ד סיגוט שליט"א 

גאר א דערהויבענער טאג איז היינט פאראיבער אויף די הונדערטער תלמידות פון עלעפטע קלאס וועלכע פארברענגען דעם זוממער מיט א געשמאק אין די נייע "מחנה א' א'", מיט דעם וואס עס איז פארגעקומען דער מעמד הנכבד "קביעת מזוזות" אויף די נייע פרעכטיגע "בנין אינזליכט" קומת ניישטאדט, וועלכע איז היי יאר געבויעט געווארן אין בליץ שנעלקייט מיט גרויס פראכט און שטאלץ.

אנגעהויבן די טאג האט זיך מיט א באזוך וואס די חשוב'ע מרת ניישטאדט תחי' אשת הרבני הנגיד הרה"ח ר' דוד ניישטאדט הי"ו נדבן "קומת ניישטאדט" אין די נייע "בנין אינזליכט", וואו זי איז ווארעם אויפגענומען געווארן דורך די הונדערטער תלמידות און אנגעשטעלטע, וועלגע האבן זיך צונויפגעזאמלט אין די ריזיגע "שפיל הויז" אינעם קעמפ, אפצוגעבן די פאסיגע כבוד הראוי, אויף דעם וואס זי האט זיך געלאזט קאסטן ריזיגע געלטער און מנדב געווען א גאצע שטאק אינעם נייעם בנין, לזכר נשמת אירע אומפארגעסליכע עלטערן, וועלכע לייכטן אין גן עדן פון די פעולות הצדקה והחסד וואס זי טוט לעילו נשמתם בגנזי מרומים.

ביים הערליכן אויפנאמע איז פארגעשטעלט געווארן א ספעציעלע פראגראם וואו די חשבו'ע תלמידות האבן זיך הערצליך באדאנקט פאר מרת ניישטאדט תחי' פאר אירע פילע לייסטונגען לטובת די נייע פרעכטיגע געביידע, מיט אלע פרטים און פרטי פרטים.

אזוי אויך איז געהערט געווארן גאר א ווארימע דרשה דורכ'ן מנהל המחנות כהן שדעתו יפה, הרה"ג רבי דוד ראזענבערג שליט"א, וואס האט ארויסגעברענגט די גרויסע זכי' וואס משפחת ניישטאדט החשובה האט מיט'ן העלפן אויפבויען אזא שיינע געביידע מיט גרויס פראכט.

דאן האט מען צוגעטרערטן צום מסיבת לחיים און מעמד "קביעת מזוזה" גופא, וואו עס האבן זיך באטייליגט די חברי הנהלת מחנה רב טוב, די חשוב'ע נדיבי הבנין הרבני הנגיד הרה"ח ר' חיים מרדכי אינזליכט הי"ו נדבן הבנין, הרבני הנגיד הרה"ח ר' דוד ניישטאדט הי"ו נדבן "קומת ניישטאדט", ובראשם האט זיך אנגעזען דער גרויסער גאסט הגה"צ אב"ד סיגוט שליט"א, וועלכער איז זיך געקומען באטייליגן ביים מעמד בשליחות מר אביו כ"ק אדמו"ר מסאטמאר שליט"א.

נאכ'ן קובע זיין די מזוזות על פתחי הבנין איז פארגעקומען א נאבעלער מעמד "קביעת מזוזה" וואו עס איז געהערט געווארן עטליכע דרשות, צווישן אנדערע איז געהערט געווארן א דרשה פונעם מנהל המחנה הרה"ג ר' דוד ראזענבערג שליט"א, הר"ר דוד אהרן יונגרייז שליט"א, מנהל המחנה, הרבני הנגיד מוה"ר חיים מרדכי איזנזליכט הי"ו נדבן "בנין אינזליכט" און הרבני הנגיד ר' דוד ניישטאדט הי"ו נדבן "קומת ניישטאדט", וועלכער האבן ארויסגעברענגט רגשי לבבם אז זיי האבן געהאט די זכי' צו העלפן אויפבויען דעם גרויסארטיגן בנין לשם ולתפארת.

דער הויכפונקט איז געווען די דרשה פון הגה"צ אב"ד סיגוט שליט"א וועלכר האט ארויסגבערענגט די גרויסקייט פון דעם מאמענט אז מען האט ב"ה געהאט די זכי' צו באנייען א נייע הערליכע גרויסע געביידע אינערהאלב די הייליגע אימפעריע פון "מחנה רב טוב", און וואספארא נחת רוח דאס איז פאר מרן רבינו הק' זי"ע.

דער רב שליט"א האט מסיים געווען זיינע ווערטער מיט ווארעמע דברי ברכה פאר די חשוב'ע בוני הבנין. דער ציבור איז זיך צעגאנגען מיט געהויבענע געפילן.