פרישע באריכטן איבערן געזונט צושטאנד פון כ"ק אדמו"ר מוויזניץ שליט"א צייגן א שווערע שוואכקייט מען דארף נאך אסאך רחמי שמים, אבער נישט קיין בייזוויליגע קלאנגען.
גאלערי
עס מוז ווערן קלארגעשטעלט אז די שמועות וואס האבן צירקולירט כאילו דער רבי איז חלילה נפטר געווארן, אדער אז ער איז געפערליך קראנק, זענען גענצליך פאלש.
ווי עס ווערט איבערגעגעבן זענען נישט געווען קיין שום קריטישע שינויים דעם שבת, און עס ווערט געבעטן פונעם רביו'ס שטוב אז מען זאל זיך צירוקהאלטן פון פארשפרייטן פאלשע און אומקראנטע שמועות וואס טוען וויי פאר משפחה און חסידים ווילאנג עס איז נאכנישט באשטעטיגט פאר א פאקט דורך די בית רבינו אדער משפחה.
כאטש דער מצב איז סטאביל, איז דער געזונט צושטאנד ליידער ווייט פון פשוט, און גאנץ כלל ישראל ווערט גערופן צו איינרייסן וועלטן פאר רבי ישראל בן לאה אסתר לרפואה שלימה.
בנו הרה"צ ר' יעקב מרדכי, אב"ד וויזשניץ אלעד, האט געמאלדן אז אין אלע וויזניצער צענטערן וועט מען זאגן דעם פערטן ספר תהילים טעגליך צווישן מנחה און מעריב.
דער רבי זעלבסט איז עקסטרעם אפגעשוואכט געווארן פון די לעצטע רייע מעדיצינישע טריעטמענטס.
פונעם רבינ'ס הויזגעבט מען איבער אז בעת וואס דער רבי איז אין ביהמ"ד באקומט דער רבי פרישע הימלישע כוחות פונעם ציבור, אבער פאלט צוזאם אינדערהיים און פאלט אראפ אויפן בענקל אן כוחות.
די סאטמארער רביצין ווערט ערווארטעט אנצוקומען די קומענדיגע וואך קיין שיכון וויזשניץ אויף א ביקור חולים באזוך ביי איר ברודער, דער רבי שליט"א.
דער רבי האט דעם שבת ארויסגעשיקט בנו הרה"צ ר' חיים מאיר אינאיינעם מיטן גבאי ר' בנציון שטאנגער צו פראווען שבת אין מירון בצל האדמו"ר מוויזשניץ מאנסי.
ביי שלש סעודות דארט אין מירון האט זיך כ''ק אדמו''ר וויזשניץ מאנסי שליט''א באצויגן צום שווערן מצב הבריאות פונעם וויזניצער רבי'ן און געבעטן צו מתפלל זיין.