ברוקלין - טויזנטער רבנים און חב"ד שלוחים האבן זיך זונטאג, נאוועמבער דעם 8'טן 2026, געשטעלט פאר א ריזיגע גרופע בילד פארנט פון די חב"ד-ליובאוויטש הויפטקווארטירן אין ברוקלין.

די טויזנטער רבנים זענען א טייל פון אן אומגעהויערע צאל פון 6,500 שלוחים און אידישע פירער וועלכע זענען געקומען צו פארן קיין ניו יארק פון אלע עקן וועלט, זיך צו באטייליגן אינעם יערליכן אינטערנאציאנאלן 'כינוס השלוחים'. דער צוועק פונעם גרויסן צוזאמקום איז צו פארשטארקן אידישקייט, אמונה און שמירת המצוות ביי אידן איבער דער גאנצער וועלט.

די היי-יעריגע קאנפערענץ קומט אלס א קרוין צו א יאר פון אומגעהויערע וואוקס און פארמערטע אקטיוויטעטן פאר חב"ד, וואס איז באקאנט אלס די גרעסטע אידישע ארגאניזאציע אין די וועלט פאר חינוך, אידישקייט און סאציאלע סערוויסעס. אין א צייט וואס אנטיסעמיטיזם הייבט זיך ליידער דראסטיש ארום די וועלט, ווערט חב"ד אנגעוויזן אלס א הויפט פאקטאר אין אריינברענגען חיזוק, אידישע שטאלץ און זעלבסט-זיכערקייט ביי אידן פון אלע קרייזן און שיכטן, זיי צו העלפן פארשטארקן זייער קשר צו זייער אמונה און אידישן אפשטאם.