דעם מאנטאג איז פארגעקומען א גרויסע אסיפה מיט עסקנים אין שפיטעלער בביתו נאוה קודש פון כ"ק אדמו"ר מסאטמאר שליט"א 

עס איז אויך ערשינען בראש אסיפה הגאון האדיר הדומ"ץ קרית יואל שליט"א, אינאיינעם מיט מערערע עסקני רפואה 

  צווישן אנדערע האבן זיך באטייליגט:  

הר"ר ירוחם סילווער פון אגודת ישראל דאמעריקע, הרה"ג ר' מנחם הורוויץ שליט"א מדייני חיים ארוכים און הרה"ח ר' בעריש פריעד הי"ו פון די חיים ארוכים ארגענעזאציע וועלכע העלפט פאציענטן אויף וועמען די דאקטוירים האבן שוין אויפגעגעבן ל"ע, עסקנים פון קרית יואל הצלה, און עסקנים פון נאך עטליכע רפואה ארגענעזאציעס, אינאיינעם מיט עטליכע דאקטוירים און טשאפלעינס פון שפיטעלער, צווישן זיי מעמאריעל, קארנעל, קאלאמביע איי סי יו אפטיילונג, און נאך, 

אויף אן אסיפה בענינים העומדים על הפרק וואס מקען בעסער מאכן איבער די שווערע מצב אין די שפיטעלער אין ניו יארק, און צווישן אנדערן די נייע רציחה געזעץ אין ניו יארק וועלכע וועט ערלויבן דאקטוירים צו געבן גיפט פאר פאציענטן וועלכע ווילן ענדיגן זייער לעבן רח"ל און ווי עסקני רפואה טענהן קען עס חלילה האבן אויך א השפעה פאר היימישע אידן אין שפיטאל דירעקט און אומדירעקט

די עסקנים און דאקטוירים האבן אויסגעשמועסט די יעצטיגע ביטערע מצב אין די שפיטעלער, די שטארקע פארנאכלעסונג, און די דרוק וואס מען לייגט אויף פאציענטן אויפצוהערן קעמפן פאר זייער לעבן רח"ל, און וואס אזא געזעץ קען חלילה ערגער מאכן, און מטכס עצה געווען וואס עס איז שייך צו טון עס אפצושטעלן,

און באזונדער ארויסגעברענגט די נחיצות פון שתדלנות ביי די ערוועלטע באאמטע אפצושטעלן די גאנצע לויזע ווירטשאפט אין די שפיטעלער, און די עסקנים האבן ארויסגעברענגט אז נאר די עסקנים וואס פארמאגן די ריכטיגע קשרים אדאנק די גרויסע בלאק וואוטס און ריכטיגע אינדארסירונגען האבן די מעגליכקייט אויפצוטון ביי די פאליטיקאנטן,

 פארגעלייגט די אסיפה האט הרה"ג ר' מנחם הורוויץ מדייני חיים ארוכים ומחשובי ק"ק באבוב 

ווי ער האט ארויסגעברענגט וויפיל חיים ארוכים מטושעט זיך שוין יעצט צי קעמפן פאר לעבן פון היימישע אידן אין ניו יארק פרט ביי די לעצטע חדשים ווען זיי געבן אויף אויף פאציענטן זאגענדיג אז ניו יארק איז  פיל מער ליבעראל די שפיטעלער סיסטעם ווי אנדערע מקומות און די ווערד פון א מענטשנס לעבן איז פיל ווייניגער ליידער, דעריבער קען מען ערווארטן אז די ביל אין ניו יארק וועט מער שאטן ווי אנדערע מקומות און אויך האט ער געברענגט די מציאות פון אנדערע סטעיטס ווי די ביל איז אדורך ווי ווייט דאס האט געטוישט די גאנצע באהאנלונג פון די שפיטאל באאמטע און די נייע ביל דאהי קען גורם זיין אז די מצב אין שפיטעלער זאל חלילה פארערגערט ווערן 

צווישן אנדערע רפואה ארגענעזאציעס איז געווען דארט הרב יוחנן כ"ץ הי"ו פון רפואה העלפליין וואס האט ארויסגעברענגט אז מקען נישט בלעימען די געווענליכע עסקנים אז זיי קוקן עס נישט אן פאר א פראבלעם ווייל נאר ווער עס איז אין די מעדיקל פיעלד אין די שפיטעלער זעלבסט ווייסט וואס גייט פאר יעדן טאג שוין פאר די געזעץ און כ"ש אויב דאס  וועט אדורך גיין

אויך האט אויפגעטרעטן הרב אליעזר שווארץ דאקטער אין קרית יואל און אין קאלאמביע ICU וואס האט דערציילט וואס ער האט מיטגעהאלטן אין שפיטאל ווי מען רעדט צי מענטשן צי חתמענען די ביז יעצטיגע געזעץ אז ממעג זיי לאזן אויסגיין און נישט געבן טריטמענטס

און מהאט לעצטענס אזוי געטון צי א רעליגיעזע איד און מהאט יענעם טאקע אויסגעפלאגט די מאשינען און ער איז ל"ע אוועק

דעריבער איז וויכטיג צי פייטן דעם ביל ווייל דאס וועט נאר ערגער מאכן ווייל א דאקטער וואס האט שוין געגעבן אזא פיל אדער אינדשעקשאן פאר א פאציענט וועט שוין ווערן מער קאלט צי א מענטשעס לעבן

דער רבי האט ארויסגעברענגט אז ער וועט טוהן וואס מעגליך בידו מבטל צי זיין די רציחה ביל פון ווערן באשטעטיגט און מחזק געווען די עסקנים ווייטער אנצוגיין מיט די עבודת הקודש צו פארבעסערן  די מצב פון אחב"י אין די שפיטעלער, און געוואונטשן ברכת קדשו.

בעפאר די אסיפה איז אויך פארגעקומען א לענגערע אסיפה אין שטוב פון הגאון האדיר דומץ קרית יואל שליט"א מיט אלע משתתפים הנ"ל וואו מאיז אדורך אלע פרטים און הלכות וואס איז נוגע אין שווערע פעלער ל"ע  און די דיין איז אדורך די אינפארמאציע פון אלע באטייליגטע עסקנים און דאקטוירים א לענגערע צייט