נעכטן מאנטאג האט באזוכט אין די רופא חולים הויפטקווארטיר אין וויליאמסבורג, א חשוב'ער רב און ראש הכולל אין מעקסיקא סיטי, *הרב מרדכי טוסיא שליט"א*, וועלכער איז אויך עוסק בצרכי רפואה פאר'ן ציבור אין זיין געגנט, און ער איז אראפגעקומען פערזענליך, *אין באגלייטונג פון זיינע זון הרב אלי' און הרב דן*, זיך אומצוקוקן פון דער נאנט איבער די פעולות פון RCCS פאר די חולי ישראל מיט די ביטערע מחלה ר"ל. 

א לענגערע צייט איז ער געזיצן מיט די חברי הנהלה און אנפירער פון די מעדיקל און פיינענשעל דעפארטמענטס, וואו *ער איז געווארן נבהל ונשתומם פון די אלע סערוויסעס און פון די ברייטפארצווייגטע קעטעניסן פון די שטאב*, און אויסגעארבעט א קשר ווי אזוי די חולי ישראל פון מעקסיקא זאלן קענען נהנה זיין פון די 'רופא חולים' סערוויסעס.

לויט ווי הרב טוסיא האט איבערגעגעבן, *האט ער אין לעצטן יאר געהאלפן ארום 80 לאקאלע פאציענטן ה"י*, וואס טייל דערפון האבן געדארפט קומען קיין מאנהעטן צו די גרויסע שפיטעלער, און ער קוקט ארויס אז די צוזאמענארבעט מיט 'רופא חולים' וועט בס"ד ערמעגליכן צו קענען בעסער און שנעלער העלפן די דארטיגע פאציענטן און זייערע משפחות. 

אחינו בני ישראל וכו' המקום ירחם עליהם!