א רוסישע דראון האט פארברענט זעלענסקי'ס אלטע קאמעדיע סטודיא
גאלערי
ווידעאס
בס"ד
רוסישע דראון אטאקע פארניכטעט זעלענסקי'ס קאמעדיע סטודיא ווערהאוז אין קיעוו
א מאסיווע רוסישע דראון אטאקע האט איבערנאכט געטראפן דעם סוויאטאשינסקי דיסטריקט אין די הויפטשטאט קיעוו, ווען עס האט דירעקט אריינגעקראכט אין א ווערהאוז אנגעפילט מיט פראפס, סעטס און קאסטיומען וואס געהערן צו 'קווארטאל 95' - די קאמעדיע סטודיא וואס דער אוקראינישער פרעזידענט וולאדימיר זעלענסקי האט מיטגעגרינדעט צוריק אין יאר 2003.
די געביידע איז ארויף אין פלאמען, און מיט דעם זענען גענצליך פארברענט געווארן צוואנציג יאר פון מאטעריאל פון די סטודיא'ס קאנצערטן, טעלעוויזיע שאוס, פילמען, און זייער באקאנטע סעריע 'סערווענט אף די פיפל'. עמערדזשענסי און פייערלעשער זענען געלאפן צום סצענע און געקעמפט מיט די שווערע פלאמען און געדיכטע רויך אריין טיף אין די נאכט. בילדער פונעם ארט האבן געצייגט ווי די פייערלעשער ארבעטן שווער אפצושטעלן דעם פייער וואס האט באלויכטן דעם הימל. די סטודיא האט באשטעטיגט אז קיין איין ארבייטער איז ב"ה נישט געשעדיגט געווארן אין די אטאקע, כאטש די גאנצע ווערהאוז און אלעס אינעווייניג איז פארברענט געווארן ביזן גרונט.
פאר די סטודיא וואס האט געהאלפן אריינברענגען דעם יעצטיגן פרעזידענט אין די פובליק לעבן, איז דאס א שווערע קלאפ. זיי האבן ארויסגעגעבן א סטעיטמענט זאגנדיג אז די חרוב'ע קאסטיומען און פראפס זענען א שטיק פון זייער היסטאריע. אבער דאך זענען זיי געבליבן שטארק, קלארמאכנדיג אז "רוסישע וואפן קענען חרוב מאכן פראפערטי, אבער עס קען אונז נישט אפשטעלן פון ארבעטן, שרייבן נייע מאטעריאל, אדער שטיצן די אוקראינישע זעלנער." זיי האבן צוגעגעבן אז די געפלאנטע קאנצערטן וועלן אנגיין ווי געהעריג, מיט אדער אן די פראפס.
די אטאקע איז געקומען אין די זעלבע נאכט וואס א צווייטע ווערהאוז אין די געגנט, וואס געהערט צו די 'אלענא זעלענסקא פאונדעישאן' און האלט הומאניטארישע הילף פאר אוקראינישע פאמיליעס, איז אויך חרוב געווארן. דאס צייגט ווי שטארק די איבערנאכט באמבארדירונגען האבן געצילט די ציווילע און קולטורעלע אינפראסטרוקטור אין קיעוו.
רוסישע דראון אטאקע פארניכטעט זעלענסקי'ס קאמעדיע סטודיא ווערהאוז אין קיעוו
א מאסיווע רוסישע דראון אטאקע האט איבערנאכט געטראפן דעם סוויאטאשינסקי דיסטריקט אין די הויפטשטאט קיעוו, ווען עס האט דירעקט אריינגעקראכט אין א ווערהאוז אנגעפילט מיט פראפס, סעטס און קאסטיומען וואס געהערן צו 'קווארטאל 95' - די קאמעדיע סטודיא וואס דער אוקראינישער פרעזידענט וולאדימיר זעלענסקי האט מיטגעגרינדעט צוריק אין יאר 2003.
די געביידע איז ארויף אין פלאמען, און מיט דעם זענען גענצליך פארברענט געווארן צוואנציג יאר פון מאטעריאל פון די סטודיא'ס קאנצערטן, טעלעוויזיע שאוס, פילמען, און זייער באקאנטע סעריע 'סערווענט אף די פיפל'. עמערדזשענסי און פייערלעשער זענען געלאפן צום סצענע און געקעמפט מיט די שווערע פלאמען און געדיכטע רויך אריין טיף אין די נאכט. בילדער פונעם ארט האבן געצייגט ווי די פייערלעשער ארבעטן שווער אפצושטעלן דעם פייער וואס האט באלויכטן דעם הימל. די סטודיא האט באשטעטיגט אז קיין איין ארבייטער איז ב"ה נישט געשעדיגט געווארן אין די אטאקע, כאטש די גאנצע ווערהאוז און אלעס אינעווייניג איז פארברענט געווארן ביזן גרונט.
פאר די סטודיא וואס האט געהאלפן אריינברענגען דעם יעצטיגן פרעזידענט אין די פובליק לעבן, איז דאס א שווערע קלאפ. זיי האבן ארויסגעגעבן א סטעיטמענט זאגנדיג אז די חרוב'ע קאסטיומען און פראפס זענען א שטיק פון זייער היסטאריע. אבער דאך זענען זיי געבליבן שטארק, קלארמאכנדיג אז "רוסישע וואפן קענען חרוב מאכן פראפערטי, אבער עס קען אונז נישט אפשטעלן פון ארבעטן, שרייבן נייע מאטעריאל, אדער שטיצן די אוקראינישע זעלנער." זיי האבן צוגעגעבן אז די געפלאנטע קאנצערטן וועלן אנגיין ווי געהעריג, מיט אדער אן די פראפס.
די אטאקע איז געקומען אין די זעלבע נאכט וואס א צווייטע ווערהאוז אין די געגנט, וואס געהערט צו די 'אלענא זעלענסקא פאונדעישאן' און האלט הומאניטארישע הילף פאר אוקראינישע פאמיליעס, איז אויך חרוב געווארן. דאס צייגט ווי שטארק די איבערנאכט באמבארדירונגען האבן געצילט די ציווילע און קולטורעלע אינפראסטרוקטור אין קיעוו.