נייעם פליגל פון ביהמ"ד הגדול גור וועט דעם יו"ט פסח פולקאם אריינגיין אין באנוץ לשמחת לב אלפי חסידי גור:
אין די יעצטיגע ערבי פסחים האבן גערער חסידים אלוועטליך ערהאלטן די בשורה טובה אז צוליב די ריבוי עם בלעה"ר וועט מען אנגעהויבן פון דעם יו"ט פסח דאווענען אלע תפילות אין די נייע פליגל פונעם ביהמ"ד הגדול, וואו עס פלעג ביז היינט פארקומען די תפילות און מעמדי קודש בלויז אין זמנים מיוחדים, וואו ימים נוראים און שמחות בחצר הקודש.דאס קומט נאכדעם וואס די אלטע ביהמ"ד איז שוין צר מלהכיל צו אקאמאדירן די טויזנטער חסידים וואס קומען מיטהאלטן די תפילות און טישן מדי שבת בשבתו תמידין כסדרן בצל הקודש, און די נייע פליגל איז פיל גרעסער און מער פראקטיש פאר די תפילות און עריכות השולחנות בצילא דמהימנותא, מיט א פלאן עווענטועל צו פאראייניגן די ביידע פליגלען אלס איין גרויסן היכל - והיה המשכן אחד.לכבוד די באנייאונג פונעם נייעם פליגל אויף יו"ט פסח, האט מען צוגעבויעט א טיר ביים ארון הקודש אויף מזרח, וואס פירט צו ביתו נאווה קודש פונעם גערער רבי'ן שליט"א, פון ווי די רבי וועט קענען קומען און גיין אין ביהמ"ד.היינט נאכמיטאג פאר מנחה איז האדמו"ר מגור שליט"א אראפגעקומען צום נייעם פליגל אין קובע געווען א מזוזה ביים דעם נייעם טיר, אויפדערנאכט נאך מים שלנו איז די רבי שליט"א אריינגעקומען צו תפילת מעריב ברוב עם לכבוד ליל ערב פסח, וואו אלפי חסידי גור האבן שוין איבערגעפילט דעם נייעם פליגל און געקענט רואיגערהייט מיטהאלטן דאס דאווענען אויף א מייסטערהאפטיגע אויסשטעל ארום אלע זייטן פונעם גיגאנטישן היכל
קרעדיט אידישע נייעס
גאלערי