טעקסאס: א באקאנטער יוטובער האט בטעות אפגעברענט זיין 400 טויזנט דאלאר'דיגע 'פערערי' קאר אינמיטן א טרוקענע קארן-פעלד

דער טעקסאסער יוטובער קאודי דעטוויילער, בעסער באקאנט אונטערן נאמען 'וויסלין-דיזעל' (WhistlinDiesel), האט זיך געלערנט אויפן שווערן אופן אז א טייערע ספארטס-קאר און א טרוקענע קארן-פעלד זענען א גאר שלעכטע קאמבינאציע. אין א ווידעא וואס איז געווארן וויירעל אין אוגוסט 2023, זעט מען ווי ער דרייווט זיין 'פערערי F8 טריבוטא' קאר, וואס קאסט ארום 400 טויזנט דאלאר, דורך א פריש-געשניטענע פעלד נעבן די שטאט וואקאו, טעקסאס, אלס טייל פון א סעריע צו טעסטן וויפיל די קאר קען דערהייבן.

אינמיטן די רייזע האבן זיינע אנגעשטעלטע, וועלכע זענען מיטגעפארן אין א געדינגענע 'קרייסלער פאסיפיקא' מיניווען, באמערקט פלאמען ארויסקומען פון די אונטערשטע טייל פון די פערערי. דאס פייער האט זיך גאר שנעל צושפרייט דורך די טרוקענע איבערגעבליבענע קארן שטיקלעך אויף דער ערד, און די לאקאלע פייער דעפארטמענט איז תיכף ארויסגערופן געווארן. די פייערלעשער האבן טאקע פארלאשן דעם פייער, אבער סיי די טייערע פערערי און סיי די געדינגענע ווען זענען שוין געווען גענצליך פארברענט און חרוב.

ווי אזוי פאסירט טאקע אז א קאר זאל זיך אונטערצינדן אינמיטן א פעלד? באריכטן איבער דעם אינצידענט צייגן אן אז די גאר הייסע ברעיקס און די פלאמיגע עקזאסט פונעם קאר האבן אונטערגעצינדן די טרוקענע קארן-מיסט ארום די קאר, כאטש די פונקטליכע אורזאך איז קיינמאל נישט אפיציעל באשטעטיגט געווארן. דעטוויילער האט קלארגעשטעלט אז דאס פייער איז בכלל נישט געווען א טייל פונעם פלאן, טראץ דעם וואס זיין יוטוב טשענעל איז באקאנט מיט דעם וואס ער מאכט חרוב קארס ספעציעל פאר די ווידעא.

די ווידעא, וואס מאכט א ווערטל אז דאס איז די שנעלסטע וועג ווי אזוי צו פארלירן א האלב מיליאן דאלאר, ווייזט די פאניק וואס האט ארומגענומען די מאנשאפט ווען זיי האבן פרובירט צו ראטעווען וואס מען קען נאר. דער אינצידענט בלייבט אן אויפטרייסלנדע דערמאנונג ווי שנעל עקסטרעמע היץ, טרוקענע גערעטעניש, און א מעכטיגע מאטאר קענען פארוואנדלען א שפיל אין א טאטאלן שאדן.