הצלה מגיוס אפיסעס פון יד להושיע, האבן זיך געפונען אויפן פלאץ, און געראטעוועט צענדליגער נשמות, אזוי אויך איז פארגעקומען שטורמישע פראטעסטן, און אין רעזולטאט דערפון האט די מיליטער צום ערשטן מאל נישט פארעפנטליכט קיין נומערן פון 

אריינגעפאלענע ב"ה

ווי געמאלדןדא אויף א בליק  איז פארופן געווארן דורך די מיליטער א שרעקליכע יום גיוס ווען הונדערטער בחורים זענען גערופן געווארן צום לשכת הגיוס אין תל השומר זיך צו מתגייס זיין אינעם צבא .

שוין אין די לעצטערע וואכן זענען די אפיסעס געווען איבערגעפילט מיט בחורים וואס זייער יום גיוס איז געווען באשטימט אויף דעם זונטאג, די אפיסעס האבן אנגעגרייט די בחורים מיט צענדליגער צענטראלע און פריוואטע הדרכה שיעורים, זיי האבן באגלייט יעדן בחור, אנגעגרייט זיינע דאקומענטן, מיטן ציהל אז זיי זאלן באקומען א פטור אין די טאג וואס זיי ווערן גערופן.

בס"ד האט זיך אנגעזען אויפן שטח אין די טאג פונעם יום גיוס א ריזן הצלה אפאראט דורך די אפיסעס פון יד להושיע ווען במשך די טאג האבן זיך געפונען די מיטארבעטער און געגעבן קריטישע ייעוץ והדרכה פאר צענדליגער בחורים וואס האבן געמאכט דערנאך קאנטאקט מיט די אפיסעס און דערמיט זיי געראטעוועט פון אריינצופאלן אינעם צבא השמד.

אזױ אויך איז פארגעקומען גרויסע מחאות דורך שלומי אמוני ישראל מיט די הילף פון אירגון אחים אנחנו, ואס זענען ארויסגעקומען שוין פון די פריע פארטאגס שעות פארנט פון די לשכת הגיוס אפצוהאלטן בגופם די שרעקליכע שמד, און מחזק זיין מיט דעם די הונדערטער בחורים וואס זענען גערופן געווארן צום יום הגיוס.