צוויי פאלעסטינער געהרגעט אין א פאטאלע קרעש נאך וואס דער דרייווער איז אנטלאפן פון א פאליציי טשעקפוינט נעבן ירושלים
גאלערי
ווידעאס
צוויי אומלעגאלע פאלעסטינער אומגעקומען אין א טויטליכן עקסידענט נעבן ירושלים ביים אנטלויפן פון א פאליציי טשעקפוינט
צוויי פאלעסטינער וועלכע זענען אומלעגאל אריינגעשמוגלט געווארן קיין ארץ ישראל, זענען אומגעקומען אין א שוידערליכן קאר עקסידענט, נאכדעם וואס דער דרייווער פונעם קאר איז אנטלאפן פון א פאליציי טשעקפוינט נעבן ירושלים.
לויט די באריכטן, איז דער דרייווער אן אראבער פון מזרח ירושלים. די צוויי פאלעסטינער זענען געווען באהאלטן אינעם טראנק פונעם קאר, און בעת דעם קראך זענען זיי ארויסגעפלויגן פונעם קאר און זענען אויפן ארט אומגעקומען. א דריטע פערזאן איז שווער פארוואונדעט געווארן און איז אפגעפירט געווארן אין שפיטאל פאר ווייטערדיגע מעדיצינישע באהאנדלונג.
דער טויטליכער אינצידענט האט פאסירט אנהייב וואך. פרישע ווידעאו פוטעדזש וואס איז פארעפנטליכט געווארן צייגט קלאר ווי דער קאר אנטלויפט פונעם פאליציי טשעקפוינט מיט א ווילדע גיכקייט בעפארן קראך.
אין א פרישע לעגאלע אנטוויקלונג איבער די אויספארשונג, איז געמאלדן געווארן אז די פראקורארן האבן שוין אריינגעגעבן אן אפיציעלע קלאגע קעגן דעם דרייווער אין פארבינדונג מיט דעם קעיס.