פייער באלי אויף די גאס: א מיטבאל ווענדאר ווערט איינגעהילט אין פלאמען און שפאצירט אוועק אומגעשעדיגט
גאלערי
ווידעאס
בס"ד
שוידערליכע ווידיאו: א מאסיווע אויפרייס ביי א שפייז-וועגעלע אין אינדאנעזיע לאזט איבער צושויער אין שאק
א געווענליכע שפאציר דורך א רואיגע געגנט אין אינדאנעזיע האט זיך פארוואנדלט אין א קאשמאר פאר א גאסן-פארקויפער, און זיכערהייט קאמערעס האבן אויפגעכאפט יעדע סעקונדע דערפון.
די שוידערליכע ווידיאו צייגט ווי דער פארקויפער שטיפט זיין פלייש-וועגעלע אין א שמאלע געסל צווישן הייזער, ווען פלוצלינג רייסט אויף א ריזיגע פייער-קנויל וואס שלינגט איין סיי אים און סיי זיין וועגעלע אין די פלאמען. דער מאסיווער אויפרייס האט געווארפן שטיקער חורבות אויף דער ערד, איבערגעדרייט דאס וועגעלע און איבערגעלאזט די גאס פול מיט ברוכווארג. עס איז פון די סארט ווידיאוס וואס מאכט מענטשן זיך אפשטעלן און עס איבערקוקן צוויי מאל.
וואונדער איבער וואונדער, ווערט באריכטעט אז דער פארקויפער האט באוויזן אוועקצושפאצירן פונעם סצענע קורץ דערנאך מיט בלויז לייכטע וואונדן.
די אורזאך פונעם אויפרייס איז דערווייל נישט באשטעטיגט געווארן אין די באריכטן, און עס איז אויך אומקלאר ווער עס האט רעקארדירט אדער ארויסגעגעבן די פוטעדזש. כאטש וואס עקספלאוזשענס וואס זענען פארבונדן מיט קאכן-גאז זענען שוין באריכטעט געווארן ביי גאסן-געשעפטן אין אינדאנעזיע אין די פארגאנגענהייט, איז אבער נישט באקאנט צי דאס האט געשפילט א ראלע אין דעם יעצטיגן אינצידענט. דערווייל לאזט די ווידיאו איבער אסאך מענטשן מיט די פראגע וואס פונקטליך עס איז דארט געשען, און וויאזוי דער מאן האט באוויזן איבערצולעבן אזא שרעקליכע אויפרייס.