הונדערטער חסידים ואנשי מעשה נאך אלס אונטערן רושם אומפארגעסליכן דערהויבענעם "שבת המרומם" בראשות כ"ק אדמו"ר מקהל חסידי ירושלים שליט"א - מגדולי מנהיגי יהדות החרדית בארץ הקודש, פארגאנגענעם שבת קודש וירא

פארגעקומען אין פראכטפולן "המספיק רעזארט" וועלכע איז געווען ספעציעל צוגעשטעלט אויף א נאבעלן פארנעם צו אקאמאדירן די חשוב'ע געסט לקראת השבת

גאנצער שבת תפילות, סעודות שבת, שלש סעודות אפגעראכטן מיט קאך און ברען כמנהג “קארלין”

שולחן הטהור ליל שבת קודש און שלש סעודות געפראוועט במשך לאנגע שעות למעלה מן הזמן

ספעציעלע התרגשות פרייטאג צונאכטס ביי די פייערדיגע ריקודין וועלכע זענען פארגעקומען פאר א לענגערע צייט, עס האט זיך געשפירט דער קדושת השבת אין די לופט ווען דער גאנצער ציבור האט רוקד געווען מיט א פלאם און א העכערקייט לכבוד שבת. עס איז געווען א מחזה הוד ווען הונדערטער אידן, זקנים עם נערים, דערהייבן זיך מיט דעם באקאנטן קארלינער קאך, אשרי עין ראתה אלה.

נאך הבדלה איז פארגעקומען א ספעציעלע שמועס פאר די בחורי חמד דורכ'ן רבי'ן שליט"א, וואס איז יורד געווען לחדרי לבם און וועט זיי באגלייטן פאר א לענגערע צייט.