פארמאסי סטודענט אנגעקלאגט פארן פלאנירן א טעראר אטאקע אויף אידן אין ירושלים
גאלערי
אראבישער 'פארמאסי' סטודענט פון ירושלים אנגעקלאגט פאר'ן פלאנירן טעראר אטאקעס מיט סם און אויפרייס מאטעריאלן
א 22-יעריגער אראבער פון די בית חנינא געגנט אין ירושלים, וועלכער לערנט זיך צו ווערן א פראפעסיאנאלער אפטייקער (פארמאסיסט), איז אנגעקלאגט געווארן מיט הארבע קלאגעס פאר'ן פלאנירן דורכצופירן טעראר אטאקעס קעגן אידישע ציווילע בירגער און זיכערהייט קרעפטן.
לויט די קלאגעס וואס זענען אריינגעגעבן געווארן אין די ירושלים דיסטריקט קאורט, האט דער פארדעכטיגטער, מוכאמעד שאלאבי, וועלכער האט געארבעט אלס אן אסיסטענט אין א פארמאסי בעת ער האט שטודירט דעם פאך, געפלאנט צו נוצן זיינע קענטעניסן אנצוגרייטן גיפטיגע סם און אויפרייס מאטעריאלן. די פראסעקיוטערס באשולדיגן אים אויך אז ער האט באקומען טרענירונגען פאר טעראר צוועקן און זיך געגרייט דורכצופירן א מארד אטאקע.
די אויספארשער געבן איבער אז שאלאבי איז געווארן ראדיקאליזירט און אנגעשטעקט מיט עקסטרעמיסטישע אידעאלאגיעס נאך די שוידערליכע אקטאבער 7 אטאקעס און די מלחמה וואס האט אויסגעבראכן נאכדעם.
די סטעיט אטוירני אפיס האט פארלאנגט פונעם געריכט אז ער זאל פארבלייבן אין ארעסט אונטער גראטעס ביז צום ענדע פון די לעגאלע פראצעדורן. דערווייל זענען די קלאגעס בלויז באשולדיגונגען, און ער איז נאכנישט אפיציעל קאנוויקטעד געווארן אין געריכט.