דער ניו יארקער קאנגרעסמאן מאיק לאולער איז דאנערשטאג געזען געווארן אריינגיין אינעם ווייסן הויז, קורץ בעפאר די ערווארטעטע אנקום פון די משלחת פון אדמו"רים און רבנים שליט"א צו זייער גאר וויכטיגע מיטינג מיט פרעזידענט דאנאלד טראמפ.

לאולער איז אנגעקומען אין די צייט וואס די לעצטע צוגרייטונגען זענען געמאכט געווארן פאר די היסטארישע פארזאמלונג, און בעת די דעלעגאציע פון די גדולי ישראל זענען געווען אויפ'ן וועג צום ווייסן הויז.

ווען רעפארטערס האבן אים געפרעגט איבער די בעפארשטייענדע מיטינג בשעת'ן אריינגיין, האט לאולער זיך אנטזאגט פון געבן סיי וואספארא קאמענטארן.

זיין אנוועזנהייט איז נאך אן אינטערעסאנטע אנטוויקלונג ארום די גאר ערווארטעטע באגעגעניש צווישן פרעזידענט טראמפ און די חשוב'ע משלחת פון אדמו"רים און רבנים.