ארעסט פון באוואפנטע פארברעכער אין הארץ פון די היימישע געגנט אין בארא פארק

בארא פארק - א באוואפנטער רויבער איז ארעסטירט געווארן דורך די פאליציי דינסטאג נאכט נאכן ווערן נאכגעיאגט ווערן דורך שומרים וואלונטירן, ביים ארעסט האבן די פאליצי געפונען אויף אים א מעסער און וואלונטירן פון שומרים האבן געפונען א ביקס וואס ער האט אראפגעלאזט ביים פראבירן צו אנטלויפן פון זיי.

די שרעקעדיגע אינצידענט האט פאסירט אויף די צוועלפטע עוועניו ביי די דריי און פערציג׳סטע סטריט ווען א שומרים וואלונטיר וואס איז געפארן אין זיין קאר האט זיך געטראפן הארט נעבן א באוואפנטע רויבעריי, און דער  פארברעכער האט זיך באנוצט מיט א ביקס צו אומווארפן א גוי אויף א מאופעד און אפגעיאגט דערמיט.

דער וואלונטיר האט באלד אריינגערופן פאר הילף און שומרים האט אנגעהויבן א געיעג נאך דער פארברעכער, ער האט עספיעט צו אנקומען ביז די ניינטע עוועניו ביי די איין און פערציג׳סטע סטריט וואו די פאליציי האט אים ארעסטירט