בית דין איילט זיך אין שפיטאל מסדר צו זיין א גט בעפאר דער מאן ווערט איינגעשלאפן
גאלערי
דראמאטישע מינוטן אין שפיטאל: ספעציעלע משלחת פון פתח תקוה'ר בית דין ראטעוועט פרוי פון ווערן אן עגונה
א ספעציעלע משלחת רבנים פונעם בית דין אין פתח תקוה זענען אין אן איילעניש אראפגעפארן צום בילינסאן שפיטאל אין ארץ ישראל, צו קענען מסדר זיין א גט פאר א פאלק, ממש קורצע מינוטן בעפאר דער מאן איז אריינגעגאנגען אין אן ערנסטע מעדיצינישע פראצעדור וואס האט פארלאנגט ער זאל ווערן איינגעשלאפן און צוגעשטעלט צו א רעספירעיטאר אויף א לענגערע צייט.
די דרינגנדע און שנעלע שריט איז אונטערגענומען געווארן מיט'ן ציל צו ראטעווען די פרוי פון מעגליך בלייבן אן עגונה חלילה, וויבאלד דער קאמפליצירטער מעדיצינישער צושטאנד פונעם מאן וואלט געמאכט דעם פראצעס פון ענדיגן דעם גט אוממעגליך פאר אן אומבאשטימטע צייט.
לויט ווי עס ווערט באריכטעט, האט דער מאן זיך לכתחילה קעגנגעשטעלט און נישט געוואלט מיטארבעטן, אבער נאך א שטיק צייט האט ער ענדליך נאכגעגעבן און מסכים געווען צו געבן דעם גט. דאס האט ערמעגליכט פאר די רבנים צו ענדיגן דעם גט כדת וכדין בעפאר די דאקטוירים האבן אנגעהויבן די פראצעדור.
א דאנק די שנעלע אריינמישונג פונעם בית דין איז ברוך השם פארמיטן געווארן א פאטענציעלע לאנגע און שווערע עגמת נפש פאר די פרוי.