שייטת קאמאנדאס נידערן אראפ ביי אן אקציע אין די וועסט בענק - העליקאפטער קראך ברענגט אום א רעפארטער, פילאט און א פארבייגייער - אמעריקאנער כוחות פארניכטן א קארטעל שיף אין די פאסיפיק
גאלערי
ווידעאס
בס"ד
זעלטענע ווידעא: צה"ל 'שייטת 13' קאמאנדאס נידערן אראפ פון א העליקאפטער ביי אן אפעראציע נעבן חברון
א זעלטענע ווידעא וואס איז פארשפרייט געווארן איבערנאכט צייגט ווי קאמאנדאס פון די מדינת ישראל 'שייטת 13' נעיווי איינהייט נידערן אראפ פון א העליקאפטער דירעקט אויף א דאך פון א געביידע אין די שטאט יאטא, נעבן חברון. די מיליטער האט באשטעטיגט אז דאס איז געווען אן אקטיווע אנטי-טעראר אפעראציע.
די ווידעא, וואס איז קודם ארויסגעשטעלט געווארן דורך פאלעסטינער מידיא און האט זיך שנעל פארשפרייט, צייגט ווי די עליטע איינהייט קומט אן פון די לופטן אינמיטן די נאכט, בשעת א גרויסע קאנוווי פון צה"ל קרעפטן זענען אריינגעקומען אין די געגנט אויף דער ערד. דאס איז א גאר אומגעווענליכע סצענע, וויבאלד די 'שייטת 13' אפערירט געווענליך אין גרויס געהיימניס און מ'זעט זיי כמעט קיינמאל נישט אין ווידעאס פון אפעראציעס אין יהודה ושומרון.
מיליטערישע קוועלער האבן קלארגעשטעלט אז דאס איז געווען אן עכטע אפעראציע אין די דרום חברון בערג, אפווארפנדיג באריכטן אין די אראבישע מידיא אז דאס איז בלויז געווען א טרענירונג.
לויט די מיליטער, איז די אפעראציע געקומען אלס רעזולטאט פון א שפרונג אין טעראר אקטיוויטעטן אין די געגנט. דאס רעכנט אריין אן אינצידענט וואו מ'האט צוגעכאפט א געווער פון א זעלנער ביי א צוזאמענשטויס נעבן סוסיא, ווי אויך א רייע קאר אטאקעס וואס זענען באריכטעט געווארן אין די לעצטע צייט. פונקטליכע דעטאלן איבער וועמען אדער וואס די אפעראציע האט געצילט זענען נישט ארויסגעגעבן געווארן, ווי עס פירט זיך ביי די געהיימע מיסיעס פון די שייטת 13 איינהייט.
די ווידעא האט ארויסגערופן א געמישטע רעאקציע אויפן אינטערנעט. טייל האבן אויסגעלויבט די זעלטענע געלעגנהייט צו זען די מעגליכקייטן פון די עליטע קאמאנדאס, אבער אנדערע האבן געווארנט אז דאס פארשפרייטן לייוו ווידעאס פון ספעציעלע קרעפטן קען אריינלייגן די זעלנער אין א גרעסערע סכנה. ווי עס זאל נאר נישט זיין, גיט די ווידעא א זעלטענעם בליק אריין אין אן איינהייט וואס אירע אפעראציעס זענען כמעט קיינמאל נישט אפן פאר די פובליק.
זעלטענע ווידעא: צה"ל 'שייטת 13' קאמאנדאס נידערן אראפ פון א העליקאפטער ביי אן אפעראציע נעבן חברון
א זעלטענע ווידעא וואס איז פארשפרייט געווארן איבערנאכט צייגט ווי קאמאנדאס פון די מדינת ישראל 'שייטת 13' נעיווי איינהייט נידערן אראפ פון א העליקאפטער דירעקט אויף א דאך פון א געביידע אין די שטאט יאטא, נעבן חברון. די מיליטער האט באשטעטיגט אז דאס איז געווען אן אקטיווע אנטי-טעראר אפעראציע.
די ווידעא, וואס איז קודם ארויסגעשטעלט געווארן דורך פאלעסטינער מידיא און האט זיך שנעל פארשפרייט, צייגט ווי די עליטע איינהייט קומט אן פון די לופטן אינמיטן די נאכט, בשעת א גרויסע קאנוווי פון צה"ל קרעפטן זענען אריינגעקומען אין די געגנט אויף דער ערד. דאס איז א גאר אומגעווענליכע סצענע, וויבאלד די 'שייטת 13' אפערירט געווענליך אין גרויס געהיימניס און מ'זעט זיי כמעט קיינמאל נישט אין ווידעאס פון אפעראציעס אין יהודה ושומרון.
מיליטערישע קוועלער האבן קלארגעשטעלט אז דאס איז געווען אן עכטע אפעראציע אין די דרום חברון בערג, אפווארפנדיג באריכטן אין די אראבישע מידיא אז דאס איז בלויז געווען א טרענירונג.
לויט די מיליטער, איז די אפעראציע געקומען אלס רעזולטאט פון א שפרונג אין טעראר אקטיוויטעטן אין די געגנט. דאס רעכנט אריין אן אינצידענט וואו מ'האט צוגעכאפט א געווער פון א זעלנער ביי א צוזאמענשטויס נעבן סוסיא, ווי אויך א רייע קאר אטאקעס וואס זענען באריכטעט געווארן אין די לעצטע צייט. פונקטליכע דעטאלן איבער וועמען אדער וואס די אפעראציע האט געצילט זענען נישט ארויסגעגעבן געווארן, ווי עס פירט זיך ביי די געהיימע מיסיעס פון די שייטת 13 איינהייט.
די ווידעא האט ארויסגערופן א געמישטע רעאקציע אויפן אינטערנעט. טייל האבן אויסגעלויבט די זעלטענע געלעגנהייט צו זען די מעגליכקייטן פון די עליטע קאמאנדאס, אבער אנדערע האבן געווארנט אז דאס פארשפרייטן לייוו ווידעאס פון ספעציעלע קרעפטן קען אריינלייגן די זעלנער אין א גרעסערע סכנה. ווי עס זאל נאר נישט זיין, גיט די ווידעא א זעלטענעם בליק אריין אין אן איינהייט וואס אירע אפעראציעס זענען כמעט קיינמאל נישט אפן פאר די פובליק.