שרעקעדיגע סצענע: א פישער כאפט אן אקטאפוס - און דער אקטאפוס כאפט זיך ארויף אויף זיין פנים

א געווענליכע טאג פון כאפן פיש האט זיך פארוואנדלט אין א שרעקעדיגע איבערלעבעניש פאר דזשעסער סערוואנטעס, א פישערמאן פון פאלאוואן אין די פיליפינען, נאכדעם וואס דער אקטאפוס וואס ער האט נארוואס געכאפט האט זיך ארויפגעכאפט אויף זיין פנים.

א ווידיאו פונעם שרעקעדיגן אינצידענט איז געווארן וויירעל, וואו מען זעט ווי דער אקטאפוס וויקלט ארום אירע מעכטיגע ארעמעס איבער דעם פישער'ס קאפ און מויל, בעת ער זיצט אין זיין קליינע שיפל אינעם וואסער. פאר מער ווי 30 לאנגע און פיינפולע סעקונדעס קען מען זען ווי ער פרובירט מיט אלע כוחות אראפצורייסן דעם באשעפעניש מיט זיינע בלויזע הענט, אבער אן ערפאלג, וויבאלד דער אקטאפוס האט זיך שטארק צוגעקלעבט צו זיין פנים.

זעענדיג אז מיט די הענט גייט עס נישט, האט סערוואנטעס אנגעכאפט א שטיקל באמבו האלץ און עס גענוצט אלס א הייבער אפצוקראצן דעם אקטאפוס פון זיין קאפ, ביז עס איז אים ענדליך געלונגען עס אראפצושלעפן פון זיין מויל און אויגן. איינמאל ער איז געווען באפרייט, האט ער צוריקגעווארפן דעם אקטאפוס אין ים אריין אנשטאט עס צו האלטן אלס טייל פון זיין פאנג, טראץ וואס דאס כאפן אקטאפוסן איז א טייל פון זיין טעגליכע ארבעט.

סערוואנטעס האט שפעטער אראפגעשילדערט די איבערלעבעניש אלס גאר פיינפול, צוליב די שטארקע קראפט פון די אקטאפוס. ער האט אויך קלארגעשטעלט פאר די צושויער אז די שרעקעדיגע ווידיאו איז הונדערט פראצענט עכט און איז נישט געווארן געמאכט ספעציעל פאר סאשעל מידיע.

דער אינצידענט, וואס האט זיך אפגעשפילט אין יולי 2026, דינט אלס א לעבעדיגע דערמאנונג ווי שטארק און אגרעסיוו אן אקטאפוס קען זיין ווען זי פילט זיך באדראעט, ספעציעל ווען מען כאפט עס מיט די הענט אין די וואסערן. ים עקספערטן ווייזן אן אז די קראפט פון אן אקטאפוס קען זיין גאר מעכטיג אפילו ביי א קליינע באשעפעניש, וואס מאכט אזעלכע נאנטע באגעגענישן פיל מער געפארפול ווי עס זעט אויס אויפ'ן ערשטן בליק.

דערווייל איז סערוואנטעס ארויס פונעם אינצידענט אינגאנצן אומגעשעדיגט, כאטש שטארק איבערגעשראקן, און די ווידיאו בלייבט אלס א ווארענונג פאר יעדן וואס מיינט אז כאפן אקטאפוסן איז א לייכטע און אומשעדליכע ארבעט.